ماسكەۋدەگى ءومىر ۇناماعان باشار اسادتىڭ ايەلى اجىراسۋعا ارىز بەردى

استانا. قازاقپارات - سيريانىڭ بۇرىنعى پرەزيدەنتى باشار اسادتىڭ زايىبى اسما اساد اجىراسۋعا ارىز بەردى. وعان ماسكەۋدەگى ءومىر ۇناماعان.

سيريانىڭ بۇرىنعى ءبىرىنشى حانىمى وسىعان بايلانىستى لوندونعا قونىس اۋدارماق. اسما اساد نەكەسىن بۇزۋ ءۇشىن رەسەيلىك سوت ورگاندارىنا جۇگىنگەن. دەسە دە ونىڭ ارىزى ءالى قاراستىرىلماعان. تۇركيالىق A Haber تەلەارناسىنىڭ مالىمەتى بويىنشا اسما بۇل ماسەلەدە ءبىراز قيىندىققا تاپ بولۋى مۇمكىن. سەبەبى ەۋروپالىق مەملەكەتتەر مەن حالىقارالىق ۇيىمدار ونىڭ اكتيۆتەرىن بۇعاتتاپ، ساپارلاۋىنا تىيىم سالعان.

24.kz