ماسكەۋ بيرجاسى قازاقستاننىڭ قور بيرجاسى اكسيونەرلەرى قاتارىنان شىقتى

استانا. KAZINFORM - ماسكەۋ بيرجاسى قازاقستاننىڭ قور بيرجاسى (KASE) اكسيونەرلەرى قاتارىنان شىقتى. بۇل تۋرالى ۇلتتىق بانك ءتوراعاسى تيمۋر سۇلەيمەنوۆ ءمالىم ەتتى.

ماسكەۋ بيرجاسى سانكسيالىق تىزىمگە ىلىنگەنگە دەيىن KASE اكسيالارىنىڭ 13,1 پايىزىنا يەلىك ەتكەن بولاتىن. سونىمەن قاتار بيرجا اكسيونەرلەرى قاتارىندا ۇلتتىق بانك (46,9 پايىز) پەن Halyk Group (9.3پايىز) بار.

سونىمەن قازاقستاننىڭ قور بيرجاسىنىڭ جاڭا اكسيونەرلەرى مىنالار:

- ۇلەستىڭ 4,6 پايىزىن نەمەسە 49,2 مىڭ اكسيانى يەلىك ەتەتىن «ليەۆكوي» جابىق ۇلەستىك ينۆەستيتسيالىق بىرىككەن قورى.

- ۇلەستىڭ 8,5 پايىزىن نەمەسە 91,3 مىڭ اكسيانى يەلىك ەتەتىن «نيگەللا» جابىق ۇلەستىك ينۆەستيتسيالىق بىرىككەن قورى.

ەكى قور دا «ينفينيتۋم» مامانداندىرىلعان دەپوزيتارييى» ا ق كومپانياسىنا قاراستى.

بۇعان دەيىن قازاقستان قور بيرجاسىنىڭ باسقارما ءتوراعاسى الينا الدامبەرگەن ماسكەۋ بيرجاسىنىڭ (MOEX) سانكسياعا ءىلىنۋى قازاقستاننىڭ ۆاليۋتا نارىعىنا قانداي قاتەر ءتوندىرىپ وتىرعانىن ايتقان ەدى.

اۆتور

مارلان جيەمباي