ماركو رۋبيو: رەسەيدىڭ ۋكرايناعا باسىپ كىرۋى - ا ق ش پەن رەسەي اراسىنداعى «پروكسي-سوعىس»
استانا. KAZINFORM – ا ق ش مەملەكەتتىك حاتشىسى ماركو رۋبيو Fox News تەلەارناسىنا بەرگەن سۇحباتىندا دونالد ترامپ ۋكرايناداعى سوعىستى ۇزاققا سوزىلعان جانە تىعىرىققا تىرەلگەن جانجال رەتىندە قابىلدايتىنىن ايتتى، دەپ جازادى BBC.
جاۋاپ رەتىندە رۋبيو رەسەيدىڭ ۋكرايناعا باسىپ كىرۋىن ەكى يادرولىق دەرجاۆا - ۋكرايناعا كومەك كورسەتەتىن ا ق ش پەن رەسەي اراسىنداعى «پروكسي-سوعىس» دەپ سيپاتتادى.
ول قازىرگى ۋاقىتتا بۇل قاقتىعىستى قالاي توقتاتۋ تۋرالى ناقتى يدەيا نەمەسە جوسپار جوق ەكەنىن اتاپ ءوتتى. بۇل فرازا ا ق ش- قا قاتىستى ما، جوق پا، ول جاعى بەلگىسىز. ترامپتىڭ بيلىككە كىرىسپەس بۇرىن سوعىستى توقتاتۋعا ۋادە بەرگەن بەيبىتشىلىك جوسپارى ءالى ۇسىنىلماعان.
ەندى Fox News-كە بەرگەن سۇحباتىندا رۋبيو «پرەزيدەنتتىڭ بار ارەكەتى بەيبىتشىلىككە جول بار-جوعىن انىقتاۋ» دەدى.
ايتا كەتەيىك، رەسەي مەن ۋكراينا اراسىنداعى قاقتىعىستى تەز ارادا توقتاتۋ ترامپتىڭ سايلاۋالدى ۋادەلەرىنىڭ ءبىرى بولدى. وتكەن اپتادا ول ۆاشينگتونعا كەلگەن ۆلاديمير زەلەنسكيدى بەيبىتشىلىككە دايىن ەمەس دەپ اشىق تۇردە ايىپتادى. سارسەنبى كۇنى ترامپ ۋكراينا پرەزيدەنتىنەن حات العانىن مالىمدەدى، وندا ۆلاديمير زەلەنسكي «بەكەم بەيبىتشىلىككە قول جەتكىزۋ ءۇشىن» جۇمىس ىستەۋگە دايىن ەكەنىن مالىمدەدى.
اۆتور
ەركەجان سماعۇلوۆا
