مارات قارابايەۆ LRT باعانىنىڭ قۇلاپ قالۋىنا قاتىستى پىكىر ءبىلدىردى

كولىك ءمينيسترى مارات قارابايەۆ LRT باعانى قۇلاپ قالعاننان كەيىن قاۋىپسىزدىك ماسەلەسىنە قاتىستى تۇسىنىك بەردى، دەپ حابارلايدى قازاقپارات ءتىلشىسى.

 LRT
Фото: из открытых источников

«بىرىنشىدەن، باعاننىڭ قيسايۋ سەبەبىن انىقتاۋ قاجەت. مۇمكىن ول باعان سوڭىنا دەيىن سالىنباعان شىعار. تولىق تۇرعىزباي سول كۇيى قالدىرىپ قويعان شىعار. ەكىنشىدەن قاۋىپسىزدىكپەن قامتاماسىز ەتۋ ءۇشىن بىرنەشە تەكسەرۋدەن (ەكسپەرتيزا) وتەدى. قاۋىپسىزدىككە كەلگەندە تەك قازاقستاندىق ەمەس شەتەلدىك كومپانيالاردا كەپىلدىك بەرەدى. ارينە، باستى ماقسات - قاۋىپسىزدىك. بۇل ءبىزدىڭ نازارىمىزدا بولادى. بۇل ساپاسىز سالىنادى دەگەن ماسەلە ەمەس. LRT جەلىسىن سالۋ ءبىراز تۇرىپ قالدى، ياعني تولىق اياقتالماعان، ءۇستى جابىلاماعان دەگەن سياقتى»، - دەدى مارات قارابايەۆ مينيسترلىكتە وتكەن باسپا ءسوز ءماسليحاتىندا.

ەسكە سالا كەتسەك، بۇعان دەيىن استانادا LRT باعاندارىنىڭ ءبىرى قيسايىپ كەتكەنى تۋرالى حابارلاعان ەدىك.

«جان- جاقتى زەرتتەۋ بارىسىندا 1 تىرەكتىڭ جوباعا ساي كەلمەيتىندىگى انىقتالدى. وسى سەبەپتى مەردىگەر اتالعان تىرەكتى بۇزىپ جاتىر. ودان كەيىن قايتادان سالادى. شىعىن باس مەردىگەر ەسەبىنەن وتەلەتىن بولادى»، - دەگەن تۇسىنىك بەردى City Transportation Systems (CTS) كومپانياسى باسپا ءسوز قىزمەتىنىڭ جەتەكشىسى وكسانا لوسكۋتوۆا.

اۆتور

داۋلەت ىزتىلەۋ

سوڭعى جاڭالىقتار