ماكرون: رەسەي مەن ۋكراينا بىتىمگە كەلۋى مۇمكىن
استانا. قازاقپارات - رەسەي مەن ۋكراينا «الداعى بىرنەشە اپتادا» بىتىمگە كەلۋى مۇمكىن. ا ق ش- تا دونالد ترامپپەن بولعان كەزدەسۋدەن كەيىن فرانسيا پرەزيدەنتى ەممانيۋەل ماكرون وسىنداي مالىمدەمە جاسادى.
ونىڭ ايتۋىنشا، تاراپتار اراسىنداعى اتىستى توقتاتۋ ءۇشىن ءتيىستى كەلىسىمدە قاۋىپسىزدىك كەپىلدىگى كورسەتىلۋى كەرەك. ءوز كەزەگىندە دونالد ترامپ رەسەي مەن ۋكراينا اراسىنداعى بىتىمگەرشىلىك كەلىسىمىنىڭ ورىندالۋىن قامتاماسىز ەتۋدى ەۋروپا ءوز موينىنا الۋى كەرەگىن اتاپ ءوتتى.
ەممانيۋەل ماكرون، فرانسيا پرەزيدەنتى:
- ءبىز ۇلى بريتانيامەن بىرگە ءوز ۇسىنىمىزدى دايىنداپ جاتىرمىز. وندا ۋكرايناعا اسكەر جىبەرۋگە دايىن ەكەنىمىز جازىلادى. ءبىراق قارۋلى كۇشتەر مايدان شەبىنە بارمايدى، قاقتىعىسقا قاتىسپايدى. كەلىسىمدە كورسەتىلگەن كەيبىر ايماقتاردا ورنالاسىپ، بەيبىتشىلىكتى جانە ۇجىمدىق سەنىمىمىزدى ساقتاۋ ءۇشىن ا ق ش- تىڭ قولداۋىمەن قىزمەت ەتەدى.
