ماجارستان ەۋرووداقتىڭ ۋكرايناعا ەكونوميكالىق كومەگىن ماقۇلدامادى

ەۋرووداق سامميتىندە ۋكرايناعا 50 ميلليارد ەۋرو كولەمىندە ەكونوميكالىق كومەك ءبولۋ تۋرالى شەشىمگە ماجارستان قارسى بولدى.

«تۇنگى اۋىسىم قورىتىندىسى: ۋكرايناعا قوسىمشا قارجى بولۋگە ۆەتو قويىلدى»، - دەپ جازدى جۇماعا قاراعان ءتۇنى ماجارستان پرەمەر-ءمينيسترى ۆيكتور وربان.

ەۋروپالىق وداق ءتوراعاسى شارل ميشەل ە و كوشباسشىلارى بيۋدجەت جوسپارىنا ۋكرايناعا كومەكتى ەنگىزۋ تۋرالى كەلىسە الماعانىن راستادى.

ميشەلدىڭ سوزىنشە، وعان ءبىر ەل قارسى بولعان. ول قاي ەل ەكەنىن ايتپاعانىمەن، ونىڭ ماجارستان ەكەنى جاسىرىن ەمەس.

ميشەل ە و- عا مۇشە ەلدەردىڭ كوشباسشىلارى بۇل سۇراققا كەلەسى جىلدىڭ باسىندا قايتا ورالاتىنىن ايتتى.
«مەن ەگجەي-تەگجەيلى تالقىلاعىم كەلىپ تۇرعان جوق، سەبەبى كەلەسى جىلى، كەلەسى جىلدىڭ باسىندا وتەتىن سامميتتى دايىنداۋ ءۇشىن الداعى كۇندەرى، الداعى اپتالاردا ارىپتەستەرىممەن جۇمىس ىستەگىم كەلەدى»، - دەپ جازدى AFP اگەنتتىگى ەۋروپالىق وداق باسشىسىنىڭ ءسوزىن.
ۆيكتور وربان دا وسىعان ۇقساس مالىمدەمە جاسادى.
«ءبىز بۇل سۇراققا جەتكىلىكتى دايىندىقتان كەيىن كەلەسى جىلعى ەۋروپالىق كەڭەستە قايتا ورالامىز»، - دەدى ماجارستان پرەمەر-ءمينيسترى.
اۆتور
بالنۇر قوجاگەلدى