ماجارستان پرەمەر-ءمينيسترى ۆيكتور وربان «تۇركى الەمىنىڭ ەڭ جوعارعى وردەنىمەن» ماراپاتتالدى

استانا. KAZINFORM - تۇركى ەلدەرىنىڭ بىرلىگىن كۇشەيتۋگە قوسقان ەلەۋلى ۇلەسى ءۇشىن ماجارستان پرەمەر- ءمينيسترى ۆيكتور وربان «تۇركى الەمىنىڭ ەڭ جوعارعى وردەنىمەن» ماراپاتتالدى، دەپ حابارلايدى اقوردانىڭ باسپا ءسوز قىزمەتى.

اتالمىش ماراپات ۆيكتور وربانعا بۇگىن بىشكەكتە وتكەن تۇركى مەملەكەتتەرى ۇيىمىنىڭ سامميتىندە تابىستالدى.

سامميت بارىسىندا ۇيىم مۇشەلەرى 8 قۇجات قابىلدادى. سول قۇجاتتاردىڭ ىشىندەماجارستان پرەمەر-ءمينيسترىن ماراپاتتاۋ دا بار.

جيىندا سويلەگەن سوزىندە قاسىم-جومارت توقايەۆ سامميت اياسىندا جاسالاتىن كەلىسىمدەر تۇركى مەملەكەتتەرىنىڭ الەۋەتىن ارتتىراتىنىنا سەنىم ءبىلدىرىپ، ۇيىمعا ءتوراعالىق ەتەتىن قىرعىز ەلىنە تابىس تىلەدى.

وسىعان دەيىن تۇركى مەملەكەتتەرىنىڭ ءوزارا ساۋدا كولەمى 45 ميلليارد دوللاردان اسقانىن جازعان ەدىك.