ماڭعىستاۋ وبلىسىنداعى مۇناي كاسىپورىندارى ميلليارد تەڭگە قارجى جىمقىرعان

Прокурор
Фото: Максат Шагырбаев/ Kazinform

اقتاۋ. KAZINFORM - ماڭعىستاۋ وبلىسىنىڭ پروكۋراتۋراسى ەكونوميكالىق تەرگەۋ دەپارتامەنتى، سىبايلاس جەمقورلىققا قارسى قىزمەتىمەن بىرلەسىپ مۇناي-گاز سالاسىنىڭ 5 كاسىپورنىندا تەكسەرۋ جۇرگىزىپ جاتىر. بۇل تۋرالى ماڭعىستاۋ وبلىسىنىڭ پروكۋراتۋراسى ءمالىم ەتتى.

«ويل ترانسپورت كورپورەيشن» ج ش س-ءنىڭ («قازمۇنايگاز» ۇ ك ا ق ەنشىلەس كاسىپورنى) لاۋازىمدى تۇلعالارى تاۋار جەتكىزۋشىدەن 1,5 ميلليارد تەڭگەدەن استام سوماعا تەحنيكالىق ەرەكشەلىككە سايكەس كەلمەيتىن اۆتوبۋستاردى قابىلداعانى انىقتالدى. بۇل رەتتە ولاردىڭ قۇنى 400 ميلليون تەڭگەگە جوعارلاتىلعان»، - دەلىنگەن حابارلامادا.

جۇمىس ىستەلمەگەن ارنايى تەحنيكا قىزمەتتەرى ءۇشىن 110 ميلليون تەڭگە مولشەرىندە اقشا قاراجاتىن اۋدارۋ فاكتىلەرى بەلگىلى بولدى.

«West Oil Software» ج ش س- دە («ويل ترانسپورت كورپورەيشن» ج ش س مەردىگەرلىك ۇيىمى) جۇمىس ىستەمەگەن ادامدارعا 400 ميلليون تەڭگەدەن استام جالاقى تولەۋ، كومپانيا باسشىلىعىنىڭ جاقىن تۋىستارىن قوسا العاندا نەگىزسىز جالاقى ەسەپتەۋ دەرەكتەرى ورىن العان»، - دەپ حابارلادى وبلىستىق پروكۋراتۋرانىڭ باسپا ءسوز قىزمەتى.

اتالعان بۇزۋشىلىقتار بويىنشا قىلمىستىق كودەكستىڭ 189-بابىنىڭ 4-بولىگى (سەنىپ تاپسىرىلعان بوتەن مۇلىكتى ءىرى مولشەردە بەرۋ نەمەسە جىمقىرۋ) بويىنشا 5 سوتقا دەيىنگى تەرگەپ- تەكسەرۋ باستالدى. پروتسەستىك پروكۋرورلار تاعايىندالدى.

سوتقا دەيىنگى تەرگەپ- تەكسەرۋ شەڭبەرىندە اتالعان ۇيىمداردىڭ 4 باسشى لاۋازىمدى تۇلعالارى ۇستالدى.

قىلمىستىق ىستەر وبلىستىق ەكونوميكالىق تەرگەۋ دەپارتامەنتىنىڭ وندىرىسىندە.

باسقا مالىمەتتەر تەرگەۋ مۇددەسى ءۇشىن جاريا ەتىلمەيدى.

اۆتور

باقىتگۇل اباي قىزى

سوڭعى جاڭالىقتار