ماڭعىستاۋ اتوم ەلەكتر كومبيناتىنىڭ ءبىر رەاكتورى پايدالانۋدان شىعارىلماق

اقتاۋ. KAZINFORM - اقتاۋدا ماڭعىستاۋ اتوم ەلەكتر كومبيناتىنىڭ (م ا ە ك) ب ن-350 رەاكتورىن تولىقتاي پايدالانۋدان شىعارۋ ماسەلەسى بويىنشا ءۇشجاقتى كەزدەسۋ ءوتتى.

وبلىس اكىمىنىڭ توراعالىعىمەن وتكەن ءۇشجاقتى كەزدەسۋگە ماڭعىستاۋ اتوم ەنەرگەتيكالىق كومبيناتى وكىلدەرى، اتوم ەنەرگياسى جونىندەگى حالىقارالىق اگەنتتىكتىڭ (ا ە ح ا) پايدالانۋدان شىعارۋ جانە قورشاعان ورتانى قالپىنا كەلتىرۋ سەكسياسىنىڭ جەتەكشىسى ۆلاديمير ميكايل، ەۋروپالىق قايتا قۇرۋ جانە دامۋ بانكىنىڭ (ە ق د ب) يادرولىق قاۋىپسىزدىك دەپارتامەنتى ديرەكتورىنىڭ كومەكشىسى ستيۆەن ۋايت قاتىستى.

بۇل جولى ب ن-350 رەاكتورىن تولىقتاي پايدالانۋدان شىعارۋعا قاتىستى ماڭىزدى ماسەلەلەر قارالىپ وتىر. جيىندا ساراپشىلار وسى تاقىرىپ بويىنشا ءوزارا تاجىريبە جانە اقپاراتتارىمەن ءبولىستى.

مۇددەلى تاراپتار بۇل كەزدەسۋدە ب ن-350 رەاكتورىن تولىقتاي پايدالانۋدان شىعارۋ پروتسەسىن ءساتتى جۇزەگە اسىرۋدى ءتيىمدى ۇيلەستىرۋگە ىقپال ەتەتىنىن العا تارتتى.

ۆلاديمير ميكايل يادرولىق وبەكتىلەردى پايدالانۋدان شىعارۋ جانە راديواكتيۆتى قالدىقتارمەن جۇمىس ىستەۋ سالاسىنداعى ماگاتە قىزمەتى تۋرالى ايتتى. ال ستيۆەن ۋايت ەۋروپالىق قايتا قۇرۋ جانە دامۋ بانكىنىڭ (ە ق د ب) يادرولىق نىسانداردى پايدالانۋدان شىعارۋ جوبالارىن حالىقارالىق قولداۋى تۋرالى باياندادى.

ساراپشىلار رەاكتور قوندىرعىسىمەن تانىسىپ، ب ن-350 رەاكتورىن تولىقتاي پايدالانۋدان شىعارۋ ماسەلەلەرى بويىنشا ءوز كوزقاراستارىن ۇسىناتىنىن جەتكىزدى. ولار قوندىرعىنىڭ قازىرگى جاعدايىن زەرتتەپ، ىقتيمال تاۋەكەلدەر مەن ماسەلەلەردى انىقتاعان سوڭ، رەاكتوردى پايدالانۋ كەزەڭىن قاۋىپسىز جانە ءتيىمدى اياقتاۋ بويىنشا ۇسىنىستار مەن شارالار ۇسىنۋعا نيەت تانىتىپ وتىر.

ايتا كەتەيىك، بۇل ماسەلە وتكەن جىلدىڭ قىركۇيەك ايىندا ۆەنادا وتكەن ماگاتە باس كونفەرەنسياسىنىڭ 67- سەسسياسى اياسىندا ق ر ەنەرگەتيكا مينيسترلىگى مەن ق ر سىرتقى ىستەر مينيسترلىگى وكىلدەرىنىڭ كەزدەسۋلەرى بارىسىندا دا تالقىلانعان ەدى.

وبلىس اكىمى نۇرلان نوعايەۆ رۋ ب ن-350- ءدى تولىقتاي پايدالانۋدان شىعارۋ ءوڭىردىڭ قاۋىپسىزدىگى مەن ەكولوگيالىق تۇراقتىلىعىنا ىقپال ەتەتىنىن اتاپ، بارلىق مۇددەلى تاراپتاردى وسى جوبانى ىسكە اسىرۋعا باعىتتالعان سۇراقتاردى تالقىلاۋعا جانە شەشىم قابىلداۋعا بەلسەندى قاتىسۋدى ۇسىندى.

اۆتور

جانكەلدى قارجان