ماڭعىستاۋ 1-جەلتوقساننان باستاپ استانا ۋاقىتىنا اۋىسادى - فەيك
ماڭعىستاۋ 1-جەلتوقساننان باستاپ استانا ۋاقىتىنا اۋىسادى دەگەن - ناقتىلانباعان اقپارات. ماسەلە ەگجەي- تەگجەيلى زەردەلەنگەننەن كەيىن شەشىم قابىلدانادى. بۇل تۋرالى ماڭعىستاۋ وبلىستىق ىشكى ساياسات باسقارماسى باسشىسىنىڭ ورىنباسارى اقاي مۋساليەۆ ءمالىم ەتتى، دەپ حابارلايدى Kazinform.
الەۋمەتتىك جەلىدە 1 -جەلتوقساننان باستاپ ءوڭىر ۋاقىتى ەلوردالىق ۋاقىتقا اۋىسادى دەپ حابارلاما تارادى. ياعني اقتاۋلىقتار ماڭعىستاۋ ۋاقىتى 1 ساعات العا جىلجيدى دەگەن اقپاراتقا سەندى. وسىعان وراي ماڭعىستاۋ وبلىستىق ىشكى ساياسات باسقارماسى قازىرگى ۋاقىتتا بۇل ماسەلە بويىنشا شەشىم قابىلدانباعانىن مالىمدەدى.
«قازاقستان رەسپۋبليكاسىنىڭ ەكولوگيا جانە تابيعي رەسۋرستار مينيسترلىگىنىڭ ب ا ق وكىلدەرىنە بەرگەن مالىمدەمەسىنە سايكەس اتالعان ماسەلە ەگجەي- تەگجەيلى زەردەلەنىپ، سونداي- اق جۇرتشىلىقپەن كەڭىنەن تالقىلانعاننان كەيىن قابىلدانادى»، - دەدى اقاي مۋساليەۆ.
اۆتور
ينديرا ساتەنباي
