ماعان وليمپيادا جۇلدەسىن جەڭىپ العان بەيجىڭ قالاسى ءاردايىم ىستىق - قانات يسلام

Қанат Ислам
Фото: Kazinform

بەيجىڭ. KAZINFORM - قىتايداعى قازاقستاننىڭ تۋريزم جىلىنىڭ رەسمي اشىلۋ سالتاناتىنا ونەر جۇلدىزدارىمەن قاتار، سپورتتا بيىك بەلەستەردى باعىندىرىپ جۇرگەن ساڭلاقتارىمىز دا ارنايى كەلدى.

ولاردىڭ قاتارىندا بەلگىلى جەكپە-جەك شەبەرى شاۆكات راحمونوۆ پەن بوكسشى قانات يسلام دا بار.

وسى ورايدا قانات يسلام KAZINFORM تىلشىسىنە شاعىن سۇحبات بەرىپ، ءوزى وليمپيادا جۇلدەگەرى اتانعان بەيجىڭ قالاسىندا اتالىپ وتكەلى جاتقان قىتايداعى قازاقستان تۋريزمى جىلىنىڭ ماڭىزىنا توقتالىپ ءوتتى.

«بۇل ەكى ەلدىڭ اراسىنداعى ۇلكەن جوبا دەپ ەسەپتەيمىن. وسىدان-اق، ءبىز ەكى ەلدىڭ پرەزيدەنتتەرى قانشالىقتى جاقىن، تاتۋ-دوس ەكەنىن بايقاۋعا بولادى. ءبىز قىتايمەن تاريحي كورشىلەس جاتقان ەلمىز. مەن قازاق ۇلى رەتىندە، قازاقستان ازاماتى رەتىندە ەكى ەلدىڭ بەرەكە-بىرلىگىنىنە ۇلكەن قۇرمەتپەن قارايمىن. ءوز باسىم قىتايدا تۋىپ، اتا- جۇرتىم قازاقستانعا ورالىپ، سوندا تۇرىپ جاتقانىمدى ماقتان تۇتامىن»، - دەدى بوكسشى قانات يسلام.

سونداي-اق، بوكسشى ەكى ەلدەن دە ەشقانداي تارشىلىق كورمەگەنىن جەتكىزدى.

«بار بالالىعىم وتكەن قىتاي ەلىنەن دە، قازىرگى قونىس تەپكەن اتا-جۇرتىمنان دا ەشقانداي تارشىلىق، جاماندىق كورگەن ەمەسپىن. قازىر دە قىتايدا تۋىسقاندارىم تۇرىپ جاتىر. ءوزىمنىڭ دە بار بالالىعىم وسىندا ءوتتى. مىنە، وسىدان تۋرا 16 جىل بۇرىن بەيجىڭ قالاسىندا وليمپيادا ويىندارىنىڭ جۇلدەگەرى اتاندىم. سوندىقتان بەيجىڭ قالاسى ماعان ءاردايىم ىستىق»، - دەپ اتاپ ءوتتى بوكسشى.

ايتا كەتەيىك، الداعى 28-29-ناۋرىز كۇندەرى قىتاي استاناسى بەيجىڭدە قىتايداعى قازاقستان تۋريزمى جىلىنىڭ رەسمي اشىلۋ سالتاناتى وتەدى. وسىعان وراي قازاقستاننان بەيجىڭگە 600-گە جۋىق ارنايى دەلەگاتسيا ۇشىپ كەلدى.

اۆتور

كۇنسۇلتان وتارباي

سوڭعى جاڭالىقتار