ەلىمىزدە ەلەكتروندى ساۋدا دامىپ جاتىر: تۇتىنۋشىلار كوبىنە قانداي زاتتاردى ونلاين ساتىپ الادى

نارىقتىڭ نەگىزگى درايۆەرى - ماركەتپلەيستەر. بۇگىندە ولاردىڭ ۇلەسىنە بولشەك ەلەكتروندى ساۋدانىڭ جالپى كولەمىنىڭ %86- ى تيەسىلى. پلاتفورمالار ساۋدانىڭ جاڭا فورماتىن قالىپتاستىردى. ەندى ساتىپ الۋشى قاجەتتى تاۋارعا بىرنەشە رەت باسۋ ارقىلى قول جەتكىزسە، كاسىپكەر ءۇشىن بۇكىل ەل بويىنشا ميلليونداعان الەۋەتتى كليەنتكە تىكەلەي شىعۋعا مۇمكىندىك پايدا بولدى.

تۇتىنۋشىلاردىڭ ساتىپ الۋ داعدىلارى دا ايتارلىقتاي وزگەرىپ كەلەدى. بۇگىندە ونلاين ارقىلى تەك ەلەكترونيكا نەمەسە كيىم- كەشەك قانا ساتىپ الىنبايدى. 2025 -جىلى ماركەتپلەيستەردەگى بارلىق ساتىلىمنىڭ %17,1- ى تەلەفوندار مەن گادجەتتەر، %12,4- ىن كيىم، اياق كيىم جانە سپورت تاۋارلارى، %12,1- ى ءۇي مەن ساياجايعا ارنالعان تاۋارلار، %10,3- ى تۇرمىستىق تەحنيكا، ال %7,4- ى ازىق- تۇلىك. بۇل ەلەكتروندىق ساۋدانىڭ قازاقستاندىقتاردىڭ كۇندەلىكتى تۇتىنۋ مادەنيەتىنىڭ ءبىر بولىگىنە اينالىپ كەلە جاتقانىن كورسەتەدى.

سونىمەن قاتار تاۋارلاردى جەتكىزۋ تاسىلدەرى دە وزگەرىپ جاتىر. بۇعان دەيىن ساتىپ الۋشى تاپسىرىسىن بىرنەشە كۇن كۇتۋگە دايىن بولسا، بۇگىندە جەكەلەگەن تاۋار ساناتتارى بويىنشا ەكسپرەسس- جەتكىزۋ ءبىر ساعاتتان از ۋاقىتتى الادى. ازىق- تۇلىك پەن كۇندەلىكتى تۇتىنۋ تاۋارلارىن جىلدام جەتكىزۋدى قامتاماسىز ەتەتىن e-grocery باعىتى دا قارقىندى دامىپ جاتىر. تەك 2025 -جىلى الماتى، استانا، قاراعاندى جانە اقتوبە قالالارىندا بەس Dark Store جوباسى ىسكە قوسىلدى. ال تاپسىرىستاردى الۋدى ودان ءارى ىڭعايلى ەتۋ ءۇشىن ماركەتپلەيستەر 2300 جاڭا پوستامات ورناتتى.

ەلەكتروندىق ساۋدا ەندى جاي عانا تاۋار ساتىپ الۋدىڭ جاڭا ءتاسىلى ەمەس. بۇل تۇتىنۋشىلاردىڭ ادەتتەرىن وزگەرتىپ، بيزنەسكە جاڭا نارىقتارعا شىعۋعا مۇمكىندىك بەرەتىن، ساۋدانى جىلدام، قولجەتىمدى ءارى ىڭعايلى ەتەتىن ەكونوميكانىڭ تولىققاندى سالاسىنا اينالدى.

ەلىمىزدە ءبىرىڭعاي ۇلتتىق ەلەكتروندى كىتاپحانا قۇرىلاتىنىن جازعان ەدىك.