ۇلىتاۋدان سىر بويىنا 839 ميلليون تەكشە مەتر سۋ جىبەرىلدى
استانا. KAZINFORM - ۇلىتاۋ وبلىسىنان قىزىلوردا وبلىسىنىڭ كولدەرىنە 839 ميلليون تەكشە مەتردەن استام تاسقىن سۋى جىبەرىلدى.
سۋ تاسقىنى كەزىندە ۇلىتاۋ وبلىسىنىڭ كەڭگىر سۋ قويماسىنان 839 ميلليون تەكشە مەتردەن استام سۋ جىبەرىلدى.
وسىنىڭ ناتيجەسىندە العاش رەت كەڭگىر سۋ قويماسىنان جىبەرىلگەن سۋ سارىسۋ وزەنى ارقىلى قىزىلوردا وبلىسىنىڭ كولدەرىنە جەتتى.
كەڭگىر سۋ قويماسىنان - 307 ميلليون ، جەزدى سۋ قويماسىنان - 81 ميلليون تەكشە مەتر سۋ اعىزىلدى.
ال سارىسۋ وزەنىندەگى « قىزىلجار تەمىر جول ستانسياسى» سۋ بەكەتى ارقىلى 451 ميلليون تەكشە مەتر سۋ كەلدى.
«بۇگىنگى تاڭدا قىزىلوردا وبلىسىنىڭ تەلىكول كولدەر جۇيەسىنىڭ قارقىندى سۋ جيناعانى بايقالادى، بۇل ءوڭىردىڭ اۋىل شارۋاشىلىعىنا وڭ اسەر ەتۋى ءتيىس. جينالعان سۋ ودان ءارى وبلىستاعى كۇرىش القاپتارىنا اعىزىلادى»، - دەدى سۋ رەسۋرستارى جانە يرريگاتسيا مينيسترلىگىنىڭ رەسمي وكىلى ءمولدىر ابدۋاليەۆا.
اۆتور
جانات قاپالبايەۆا
