ەلىمىزدىڭ كاسىپقوي فۋتبول ليگاسىندا وينايتىن ەڭ قىمبات وتاندىق فۋتبولشىلار انىقتالدى

Transfermarkt فۋتبول پورتالىنىڭ مالىمەتىنشە، ەلىمىزدىڭ كاسىپقوي فۋتبول ليگاسىندا وينايتىن ەڭ قىمبات وتاندىق فۋتبولشىلار انىقتالدى، دەپ حابارلايدى Kazinform.

بۇل تىزىمدە ۇلتتىق قۇراما مەن شىمكەنتتىڭ «ورداباسى» كلۋبىنىڭ كاپيتانى، جارتىلاي قورعاۋشى اسحات تاعىبەرگەن كوش باسىندا تۇر. ونىڭ باعاسى - 900 مىڭ ەۋرو. ءدال وسى باعامەن ماكسيم سامورودوۆ («اقتوبە» ) ەكىنشى ورىندا كەلەدى. - 800 مىڭ ەۋرو.

ۇلتتىق قۇراما شابۋىلشىسى ابات ايىمبەتوۆ («استانا») – 800، تەمىرلان ەرلانوۆ («ورداباسى») 700 ەۋروعا باعالانادى.

ال باعاسى 600 مىڭ ەۋرو دەپ كورسەتىلگەن فۋتبولشىلار قاتارىندا يگور شاتسكيي («اقتوبە»)، ارتۋر شۋشەناچيەۆ («قايرات»)، الىبەك قاسىم («اقتوبە»)، بەكحان شايزادا مەن سەرگەي مالىي («ورداباسى») بار.

ەسكە سالساق، بۇدان بۇرىن الەمنىڭ ەڭ قىمبات فۋتبول كلۋبتارىنىڭ ءتىزىمى جاريالاندى.

Forbes جۋرنالى الەمنىڭ ەڭ قىمبات فۋتبول كلۋبتارىنىڭ ءتىزىمىن جاريالادى.

ساراپشىلار كوماندانىڭ ينفراقۇرىلىمى، قۇرامى مەن سپورت سالاسىنداعى كوممەرتسيالىق جاعدايىن باعالاپ، وسىنداي شەشىمگە كەلگەن.

كوش باسىندا يسپانيانىڭ «رەال» (مادريد) كلۋبى تۇر. ساراپشىلاردىڭ پىكىرىنشە، ونىڭ قۇنى - 5 ميلليارد 490 ميلليون ەۋرو.

اۆتور

ءادىلجان ۇمبەت