ەلىمىزدەگى جيناقتالعان ەتتىڭ قورى قانشا

استانا. KAZINFORM – ق ر اۋىل شارۋاشىلىعى مينيسترلىگى ەلىمىزدەگى جيناقتالعان ەتتىڭ قورىنا قاتىستى تۇسىنىك بەردى.

«ۇلتتىق ستاتيستيكا بيۋروسىنىڭ مالىمەتىنە قاراعاندا، جىل باسىنان 353 مىڭ توننا ەت ءوندىرىلدى. ونىڭ ىشىندە سيىر ەتى - 139,1 مىڭ تونناعا، قوي ەتى - 37,5 مىڭ تونناعا، جىلقى ەتى - 40 مىڭ تونناعا، قۇس ەتى 119 مىڭ تونناعا جەتتى. بۇل كورسەتكىش بىلتىرعى سايكەس كەزەڭمەن سالىستىرعاندا 1 پايىزعا ارتىق»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

اكىمدىكتەردىڭ مالىمەتى بويىنشا تۇراقتاندىرۋ قورلارىنداعى ەت ونىمدەرىنىڭ قورى (10-مامىرداعى جاعداي بويىنشا) 288,2 توننانى، ساۋدا وبەكتىلەرىندە (اينالىم سحەماسى اياسىندا) 4,4 مىڭ توننانى، كاسىپورىنداردا 312 مىڭ توننانى قۇرادى. سونىمەن قاتار، مينيسترلىك بۇل كورسەتكىش بەلگىلى ءبىر ۋاقىت كەزەڭىندەگى رەزەرۆتەر ەكەنىن، ەت كولەمى كۇندەلىكتى ساتىلىپ، تولىقتىرىلىپ وتىراتىنىن ءمالىم ەتتى.

«بۇدان بولەك، تاۋارلارعا ارنالعان شيكىزات قورى، سونداي-اق ەت-ءسۇت ونىمدەرىن وندىرۋگە قاجەت مال باسى دا جەتكىلىكتى. ازىق- تۇلىك ءوندىرىسى توقتامايدى، سوندىقتان قور ۇنەمى تولىقتىرىلىپ وتىرادى. مينيسترلىك وڭىرلەردەگى الەۋمەتتىك ماڭىزى بار ازىق- تۇلىك تاۋارلارىنىڭ قورىنا تۇراقتى مونيتورينگ جۇرگىزەدى»، - دەپ اتالىپ وتكەن ۆەدومستۆو اقپاراتىندا.

اۆتور

رۋسلان عابباسوۆ