ەلىمىزدە وگەي اتا-انامەن تۇراتىن بالالار ەرەكشە نازارعا الىنادى

Елімізде зорлық-зомбылыққа қарсы іс-қимыл саясаты қайта қаралады
Фото: pixabay

استانا. KAZINFORM - قازاقستاندا بالالاردى زورلىق- زومبىلىقتان، بۋللينگ جانە كيبەربۋللينگتەن قورعاۋ جانە كومەك كورسەتۋدىڭ ارنايى ادىستەمەسى بەكىتىلدى. بۇل تۋرالى ىشكى ىستەر مينيسترلىگى اكىمشىلىك پوليتسيا كوميتەتىنىڭ باسقارما باستىعى اسەت وسپانوۆ ءمالىم ەتتى.

«بالالارعا قاتىستى زورلىق-زومبىلىق فاكتىلەرىن انىقتاۋ ماقساتىندا پوليتسەيلەر جۇمىسىنىڭ الگوريتمى ازىرلەندى. وعان سايكەس وگەي اتا-انامەن تۇراتىن بالالارعا ەرەكشە نازار اۋدارىلادى. وتكەن جىلى جەلتوقساندا مەملەكەتتىك ورگاندارمەن بىرلەسىپ زورلىق-زومبىلىققا، بۋللينگ جانە كيبەربۋللينگكە ۇشىراعان بالالار مەن جاسوسپىرىمدەردى انىقتاۋ جانە ولارعا كومەك كورسەتۋ جونىندەگى ارنايى ادىستەمە بەكىتىلدى»، - دەدى اسەت وسپانوۆ ءى ءى م- دە وتكەن باسپا ءسوز ءماسليحاتىندا.

ءى ءى م وكىلىنىڭ مالىمدەۋىنشە، بارلىق ءوڭىر بويىنشا اكىمدىك جانىنان بالالاردى زورلىق-زومبىلىقتان قورعاۋ ءۇشىن ۆەدومستۆوارالىق ءموبيلدى توپتار قۇرىلدى.

«ونىڭ قۇرامىنا بالا قۇقىقتارى جونىندەگى وڭىرلىك ۋاكىلدەر، ءبىلىم بەرۋ، حالىقتى الەۋمەتتىك قورعاۋ قىزمەتكەرلەرى جانە ۋچاسكەلىك پوليتسيا ينسپەكتورلارى كىرەدى. جەدەل اقپارات الماسۋ ۆاتساپ-چاتتاردىڭ كومەگىمەن جۇرگىزىلەدى»، - دەيدى ول.

اۆتور

داۋلەت ىزتىلەۋ

سوڭعى جاڭالىقتار