ەلىمىزدە وقۋشىلار مەملەكەتتىك قىزمەتكە مەكتەپتەن باستاپ دايىندالادى

استانا. قازاقپارات - ەلىمىزدە مەملەكەتتىك قىزمەتكە قىزىعۋشىلىق تانىتقان وقۋشىلارعا مەكتەپ جاسىنان باعىت- باعدار بەرىلەدى، دەپ حابارلايدى 24kz.

«مەملەكەتتىك قىزمەتتى دامىتۋدىڭ 2024-2029 -جىلدارعا ارنالعان تۇجىرىمداماسىندا بۇعان ەرەكشە كوڭىل بولىنگەن»، - دەدى اگەنتتىك ءتوراعاسى دارحان جازىقباي.

الماتىلىق ستۋدەنتتەرمەن كەزدەسۋ كەزىندە ول جاستاردى سينگاپۋر جانە جاپونيانىڭ تاجىريبەسىمەن تانىستىردى. اگەنتتىك ءتوراعاسى ستۋدەنتتەردى دە مەملەكەتتىك قىزمەتكە باۋلۋ بويىنشا ناقتى جوبالاردى اتاپ ءوتتى. مىسالى، بۇگىنگە دەيىن 420 تۇلەك كونكۋرسسىز جۇمىسقا ورنالاسقان. ونىڭ 37- ءسى قازاق ۇلتتىق ۋنيۆەرسيتەتىنىڭ تۇلەگى. جالپى پرەزيدەنتتىك جاستار كادر رەزەرۆىنە 400 ادام قابىلدانىپ، 315- ءى جۇمىسقا ورنالاسقان. ال، وڭىرلىك كادرلىق رەزەرۆىنە 505 جاس ىرىكتەلىپ، جۇمىسپەن قامتۋ باستالعان.

ارنايى مەكتەپتەردە جاستاردى بيزنەس پروتسەسستەرگە، مەملەكەتتىك باسقارۋداعى جوبالارمەن جۇمىس ىستەۋگە بەيىمدەۋ ءجۇرىپ جاتىر.

دارحان جازىقباي، ق ر مەملەكەتتىك قىزمەت ىستەرى اگەنتتىگىنىڭ ءتوراعاسى:

- ۇلتتىق ۋنيۆەرسيتەتتەردىڭ، وڭىرلىك ۋنيۆەرسيتەتتەردىڭ جانىنان جاس مەملەكەتتىك قىزمەتشىلەر مەكتەبىن اشتىق. ول جەردە ءبىز 3, 4 كۋرستا نەمەسە ماگيستراتۋرادا، دوكتارانتۋرادا وقىپ جۇرگەن ستۋدەنتتەر وزدەرى سول جاس مەملەكەتتىك قىزمەتشىلەر مەكتەبىنە كەلىپ، ءبىزدىڭ اۋماقتىق دەپارتامەنتتەرمەن بىرگە جۇمىس جاساي وتىرىپ وسى دەڭگەيدە ولارعا مۇمكىندىك بەرۋ.