ەلىمىزدە قۇجات ساقتايتىن قانشا ارحيۆ بار

استانا. قازاقپارات - 9 - ماۋسىم - حالىقارالىق ارحيۆتەر كۇنى. بۇل كاسىبي مەرەكەنى 2007 -جىلى قاراشادا كۆەبەك قالاسىندا وتكەن باس اسسامبلەيادا حالىقارالىق ارحيۆ كەڭەسى رەسمي تۇردە بەكىتتى.

архив
Фото: Александр Павский / Kazinform

مادەنيەت جانە اقپارات مينيسترلىگىنىڭ مالىمەتىنشە، مەرەكەنىڭ داتاسى كەزدەيسوق تاڭدالماعان. ءدال وسى كۇنى 1948 -جىلى يۋنەسكو- نىڭ قولداۋىمەن حالىقارالىق ارحيۆ كەڭەسى قۇرىلدى. بۇل ۇيىمنىڭ قۇرىلعان كۇنىنە وراي حالىقارالىق ارحيۆ كۇنى بەكىتىلدى. ال 2008 -جىلى العاش رەت مەرەكە تويلانعان كەزدە ح ا ك- ءتىڭ قۇرىلعانىنا 60 جىل تولدى. ءار مەملەكەتتىڭ ارحيۆ سالاسىنا قاتىستى مەرەكەسى ءتۇرلى داتالارعا بەلگىلەنگەنمەن، بۇل كۇن الەمدەگى بارلىق ارحيۆشىلەردىڭ باسىن بىرىكتىرەدى.

ەلىمىزدە قۇجاتتاردى ساقتايتىن 236 مەملەكەتتىك ارحيۆ بار. سونىڭ ىشىندە 5 رەسپۋبليكالىق، 5 ارناۋلى، 1 پرەزيدەنت ءارحيۆى جانە 225- ءى وبلىستىق، قالالىق، اۋداندىق ارحيۆتەر جۇمىس ىستەيدى.

رەسپۋبليكا بويىنشا ارحيۆ قىزمەتكەرلەرىنىڭ سانى - 3368 ادام. ەلىمىزدەگى بارلىق ارحيۆتەر قازاقستان رەسپۋبليكاسىنىڭ 1998 -جىلعى 22-جەلتوقسانداعى «ۇلتتىق ارحيۆ قورى جانە ارحيۆتەر تۋرالى» زاڭىنا ساي قىزمەت اتقارادى.

ارحيۆ قورى جىل سايىن ورتا ەسەپپەن 16 مىڭنان استام ۇيىمنان 300-400 مىڭ ىسپەن تولىقتىرىلادى. قازىرگى تاڭدا ق ر ۇلتتىق ارحيۆ قورىندا 27.5 ميلليوننان استام قۇجات ساقتالادى.

ارحيۆ حالىقتىڭ دەرەكتى جادىنىڭ ساقتاۋشىسى رەتىندە ەلدىڭ زياتكەرلىك مەنشىگى مەن مادەني يگىلىگىنىڭ تۇتاستىعىمەن ساقتالۋىن قامتاماسىز ەتەدى.

اۆتور

ەلميرا ورالبايەۆا

سوڭعى جاڭالىقتار