ەلىمىزدە مالدى باقىلاۋسىز جايۋعا تىيىم سالىنادى

استانا. KAZINFORM - ەلىمىزدە مالدى قاراۋسىز جايىلىمعا جىبەرۋگە بولمايدى. بۇل تۋرالى ىشكى ىستەر مينيسترلىگىندە وتكەن باسپا ءسوز ءماسليحاتىندا ايتىلدى.

Жайлау выпас скота мал жаю
Фото: Максат Шагырбаев/ Kazinform

- مال ۇرلىعىمەن كۇرەستى كۇشەيتۋ ماقساتىندا ىشكى ىستەر مينيسترلىگى باسقا مەملەكەتتىك ورگاندارمەن بىرلەسىپ، زاڭنامالىق، ۇيىمداستىرۋشىلىق جانە پراكتيكالىق شارالاردى تۇراقتى تۇردە جۇرگىزىپ كەلەدى. سونىڭ ءبىرى رەتىندە ءۇي جانۋارلارىن جايۋ ەرەجەلەرى قابىلدانعانى تۋرالى ايتۋعا بولادى. ەرەجەگە سايكەس مالدى باقىلاۋسىز جايۋعا تىيىم سالىنادى، - دەدى ءى ءى م رەسمي وكىلى شىڭعىس الەكەشيەۆ بريفينگ بارىسىندا.

ونىڭ ايتۋىنشا، ەرەجەنى ازىرلەۋدە وڭىرلەردىڭ ەرەكشەلىگى ەسكەرىلدى.

- جايىلىم ەرەجەلەرىن بۇزعانى ءۇشىن اكىمشىلىك قۇقىق بۇزۋشىلىق تۋرالى كودەكستىڭ 408-بابى بويىنشا اكىمشىلىك جاۋاپكەرشىلىك كوزدەلگەن. بىلتىر 38,5 مىڭنان استام مال جايۋ ەرەجەسىن بۇزۋ جاعدايى تىركەلدى، - دەيدى ۆەدومستۆو وكىلى.

بۇعان دەيىن ەلىمىزدىڭ ءۇش وبلىسىندا توپتاسىپ مال ۇرلاعانداردىڭ ۇستالعانى تۋرالى حابارلاعان ەدىك.

ايتا كەتەيىك، ەلىمىزدە مال ۇرلىعى 30,5 پايىزعا ازايدى.

سونداي-اق قازاقستاندا مال ۇرلىعى جازاسى قاتاڭدادى.

اۆتور

داۋلەت ىزتىلەۋ

سوڭعى جاڭالىقتار