ەلىمىزدە كەيبىر ءدارى-دارمەك باعاسى 30 پايىزعا دەيىن تومەندەيدى – د س م
استانا. KAZINFORM - ەلىمىزدە تۇپنۇسقامەن ساپاسى بىردەي بالاما ءدارى-دارمەكتەردىڭ باعاسى تومەندەيدى. بۇل تۋرالى ق ر دەنساۋلىق ساقتاۋ ۆيتسە-ءمينيسترى ەرجان نۇرلىبايەۆ ايتتى.

- قازاقستاندا ءدارىحانالاردا ساتىلاتىن پرەپاراتتاردىڭ شەكتى قۇنىن تومەندەتۋدى كوزدەيتىن جاڭا تەتىك جۇمىس ىستەيتىن بولادى. ءدارى-دارمەكتىڭ شەكتى قۇنىن تومەندەتۋ قۇرالدارىنىڭ ءبىرى - بۇرىن ءدارى-دارمەكتىڭ قۇنىنا ەنگىزىلگەن قوسىمشا شىعىستاردى الىپ تاستاۋ. ولار: ماركەتينگ (%30- عا دەيىن)، تاسىمالداۋ (15 پايىزعا دەيىن) جانە ساپانى باعالاۋ شىعىندارى. ۇستەمە باعالاردىڭ رەگرەسسيۆتى شكالاسىن قايتا قاراۋ ناتيجەسىندە ولاردى قولدانۋ شەگى ايتارلىقتاي تومەندەدى: تەگىن مەديتسينالىق كومەكتىڭ كەپىلدىك بەرىلگەن كولەمى (ت م ك ك ك) جانە مىندەتتى الەۋمەتتىك مەديتسينالىق ساقتاندىرۋ (م ءا م س) شەڭبەرىندە ولار %20- عا دەيىن، كوتەرمە ساتۋ ءۇشىن - 25 پايىزعا دەيىن، ال بولشەك ساۋدا ءۇشىن - 30- عا دەيىن (بۇرىن 55 پايىز بولعان)، - دەدى ول و ك ق الاڭىندا وتكەن بريفينگ بارىسىندا.
ۆيتسە-ءمينيستردىڭ ايتۋىنشا، اتالعان رەتتەۋ شارالارى گەنەريك (ءدارىنىڭ تۇپنۇسقاسىمەن قۇرامى مەن ساپاسى بىردەي بالاما نۇسقاسى) ءدارى-دارمەك باعاسىن تومەندەتپەك.
- رەتتەۋ، شەكتى باعالار مەن ۇستەمە باعالاردى قالىپتاستىرۋ قاعيدالارىنىڭ جاڭا رەداكسياسىندا گەنەريكتەرگە باعانى باستاپقى دارىلىك زات باعاسىنان %30- عا تومەندەتۋ كوزدەلگەن. ەگەر باستاپقى پرەپارات نارىقتا بولماعان جاعدايدا، وتاندىق انالوگتىڭ شەكتى قۇنى يمپورتتالاتىن دارىلەردىڭ ورتاشا باعاسىنان اسپاۋعا ءتيىس. مۇنداي ساياسات باسەكەلەستىكتى ىنتالاندىرۋعا جانە بارلىق تاراپتار مۇددەلەرىنىڭ تەڭگەرىمىن قامتاماسىز ەتە وتىرىپ، وتاندىق وندىرۋشىلەر ءۇشىن جاعدايلاردى جاقسارتۋعا مۇمكىندىك بەرەدى، - دەدى ەرجان نۇرلىبايەۆ.
سپيكەردىڭ ايتۋىنشا، جۇيەنىڭ اشىقتىعىن ارتتىرۋ ءۇشىن مەملەكەتتىك اقپاراتتىق پورتالدارمەن، اتاپ ايتقاندا، مەملەكەتتىك كىرىستەر كوميتەتىمەن ينتەگراتسيا جاسالاتىن بولادى. بۇل شارا ءدارىحانالاردىڭ كەدەندىك دەكلاراتسيالارى مەن كاسسالىق چەكتەرىنىڭ دەرەكتەرىنە مونيتورينگ جاساۋ ارقىلى دارىلىك زاتتاردىڭ باعاسىن ءتيىمدى باقىلاۋعا مۇمكىندىك بەرەدى.
ايتا كەتەيىك، بۇعان دەيىن تەگىن ءدارى-دارمەكتەردى بەرۋ جۇيەسىنە وزگەرىس ەنگىزىلەتىنىن جازعان ەدىك.
اۆتور
ەربول جانات