ەلىمىزدە جاڭا كاسىبي مەرەكەلەر پايدا بولادى

استانا. KAZINFORM – ق ر ەڭبەك جانە حالىقتى الەۋمەتتىك قورعاۋ مينيسترلىگى ۆەدومستۆو باسشىسىنىڭ 8 جاڭا كاسىبي مەرەكەنى بەكىتۋدى كوزدەيتىن بۇيرىعىنىڭ جوباسىن دايىندادى.

قۇجات 2024 -جىلعى 23 -جەلتوقسانعا دەيىن جاريا تالقىلاۋ ءۇشىن «اشىق ن ق ا» پورتالىندا ورنالاستىرىلعان.

«كاسىبي مەرەكەلەر تىزبەسىن بەكىتۋ تۋرالى» قازاقستان رەسپۋبليكاسى پرەمەر- ءمينيسترىنىڭ ورىنباسارى - ەڭبەك جانە حالىقتى الەۋمەتتىك قورعاۋ ءمينيسترىنىڭ 2023 -جىلعى 29 -ماۋسىمداعى № 258 بۇيرىعىنا تولىقتىرۋلار ەنگىزۋ تۋرالى» ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعىنىڭ جوباسىنداعى كاسىبي مەرەكەلەر تىزبەسىن كەلەسىدەي اتاۋلى كۇندەرمەن تولىقتىرۋدى كوزدەيدى:

- 28 -قاڭتار - قارجىلىق مونيتورينگى ورگاندارىنىڭ كۇنى؛

- شىلدەنىڭ ءبىرىنشى جەكسەنبىسى - تەڭىز جانە وزەن كولىگى قىزمەتكەرلەرىنىڭ كۇنى؛

- تامىزدىڭ ءبىرىنشى جەكسەنبىسى - تەمىرجول كولىگى قىزمەتكەرلەرىنىڭ كۇنى؛

- قىركۇيەكتىڭ ەكىنشى جەكسەنبىسى - باقىلاۋ ولشەۋ اسپاپتارى جانە اۆتوماتيكا سالاسى قىزمەتكەرلەرىنىڭ كۇنى؛

- 2 -قازان - قازاقستان رەسپۋبليكاسىنىڭ تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ قىزمەتكەرلەرى كۇنى؛

- قازاننىڭ سوڭعى جەكسەنبىسى - اۆتوموبيل كولىگى قىزمەتكەرلەرىنىڭ كۇنى؛

- 10- قاراشا - بۋحگالتەرلىك ەسەپ جانە اۋديت سالاسى قىزمەتكەرلەرىنىڭ كۇنى؛

- 13 -جەلتوقسان - قىلمىستىق- اتقارۋ جۇيەسى كۇنى.

بۇدان باسقا ۇلتتىق باسپا ءسوز كۇنى مەن راديو كۇنى بۇعان دەيىن ق ر ۇكىمەتىنىڭ 2024 -جىلعى 16 -تامىزداعى № 668 قاۋلىسىمەن بەكىتىلۋىنە بايلانىستى، اتالعان مەرەكەلەر قايتالانۋدى بولدىرماۋ ماقساتىندا وسى تىزبەدەن الىپ تاستالۋى جوسپارلانىپ وتىر.

جاڭا كاسىپتىك مەرەكەلەردى ەنگىزۋ تۋرالى ۇسىنىستارعا ءتيىستى قىزمەت سالالارىنىڭ ۋاكىلەتتى مەملەكەتتىك ورگاندارى باستاماشىلىق جاسادى.