ەلىمىزدە حورۆاتيانىڭ ۇلەسى بار 30 دان استام كومپانيا تابىستى قىزمەت ەتەدى

استانا. KAZINFORM - مەملەكەت باسشىسى حورۆاتيانىڭ سىرتقى جانە ەۋروپالىق ىستەر ءمينيسترى گوردان گرليچ-رادماندى قابىلدادى، دەپ حابارلايدى اقوردانىڭ باسپا ءسوز قىزمەتى.

پرەزيدەنتتىڭ ايتۋىنشا، گوردان گرليچ-رادماننىڭ بۇل ساپارى حورۆاتيانىڭ ەكىجاقتى قارىم-قاتىناسقا تىڭ سەرپىن بەرۋگە نيەتتى ەكەنىن كورسەتەدى.

- مەملەكەت باسشىسى ەكى ەل اراسىنداعى ىقپالداستىق ءوزارا سەنىم مەن سىندارلى ديالوگ رۋحىندا دامي بەرەتىنىنە سەنىم ءبىلدىردى. قاسىم-جومارت توقايەۆ حورۆات كومپانيالارى قازاقستان نارىعىندا ەنەرگەتيكا، ينفراقۇرىلىم، فارماتسيەۆتيكا جانە تاماق ونەركاسىبى سياقتى سالالاردا جۇمىس ىستەۋگە قىزىعۋشىلىق تانىتىپ وتىرعانىن ايتتى، - دەلىنگەن حابارلامادا.

قازىر ەلىمىزدە حورۆاتيانىڭ ۇلەسى بار 30 دان استام كومپانيا تابىستى قىزمەت ەتەدى. ولاردىڭ قاتارىندا Pliva جانە Podravka سەكىلدى تانىمال برەندتەردى ايتۋعا بولادى.

مەملەكەت باسشىسى بۇگىنگى قازاق-حورۆات بيزنەس فورۋمىنا حورۆاتيانىڭ كوپتەگەن ءىرى بيزنەس وكىلى قاتىسىپ جاتقانىن قولدادى.

جيىن اياسىندا قول جەتكىزىلگەن كەلىسىمدەر ساۋدا-ينۆەستيتسيالىق ىنتىماقتاستىقتىڭ ءورىسىن كەڭەيتۋگە ىقپال ەتەتىنىنە توقتالدى.

بۇعان دەيىن پرەزيدەنت پاكىستان ق ك قۇرلىق اسكەرلەرىنىڭ باس قولباسشىسى گەنەرال اسيم مۋنيردى قابىلداعانىن جازعانبىز.

اۆتور

اينۇر تۋماكبايەۆا