ەلىمىزدە ارنايى ءبىلىم بەرەتىن مۇعالىمدەر جەتىسپەيدى

استانا. قازاقپارات - ەلىمىزدە ەرەكشە ءبىلىمدى قاجەت ەتەتىن بالالارمەن جۇمىس ىستەيتىن مۇعالىمدەر تاپشى.

جەتىسپەۋشىلىك، اسىرەسە، استانادا، الماتى، شىمكەنت قالالارى مەن تۇركىستان جانە ماڭعىستاۋ وبلىستارىندا بايقالادى. وقۋ-اعارتۋ مينيسترلىگى ماسەلەنى شەشۋ ءۇشىن «پەداگوگ» كاسىبي ستاندارتىنا «پەداگوگ- اسسيستەنت» ماماندىعىن ەنگىزۋدى كوزدەپ وتىر. مۇنداي ماماندىق ءتىپتى مەكتەپكە دەيىنگى ۇيىمداردا دا بولادى.

مينيستر عاني بەيسەمبايەۆتىڭ ايتۋىنشا، ارنايى مامانداردىڭ دايىندىعى كەلەر جىلدان باستالادى. قازىردىڭ وزىندە تىرەك-قيمىل اپپاراتى بۇزىلعان، ياعني، وزدىگىنەن قوزعالا المايتىن بالالار ءۇشىن مەكتەپتەردە «جەكە كومەكشى» تاعايىندالىپ وتىر.