ەلىمىزدە 35 گرادۋسقا دەيىن اياز بولادى

استانا. KAZINFORM - «قازگيدرومەت» ر م ك الداعى كۇندەرگە ارنالعان اۋا رايى بولجامىن جاريالادى.

24-جەلتوقساندا رەسپۋبليكانىڭ كوپ بولىگىندە، 25-26-جەلتوقساندا ەلىمىزدىڭ باتىسىندا، سولتۇستىك-باتىسىندا جانە شىعىسىندا اتموسفەرالىق بولىمدەردىڭ وتۋىمەن جانە سيكلوننىڭ اسەرىمەن قار جاۋادى، ال رەسپۋبليكانىڭ وڭتۇستىك-باتىسىندا جاۋىن-شاشىن (جاڭبىر، قار) كۇتىلەدى. تەك انتيسيكلون جوتاسىمەن ەلىمىزدىڭ وڭتۇستىگىنە اۋا-رايى نەگىزىنەن جاۋىن-شاشىنسىز بولادى دەپ كۇتىلۋدە. رەسپۋبليكا بويىنشا جاياۋ بۇرقاسىن، تۇمان، ەكپىندى جەل، ەلىمىزدىڭ باتىسىندا كوكتايعاق كۇتىلەدى.

- تۇندە اۋا تەمپەراتۋراسىنىڭ تومەندەۋى تەك ورتالىق پەن شىعىستا 20-35 گرادۋس ايازعا دەيىن بولجانادى، ال قالعان اۋماقتا تەمپەراتۋرالىق فوندا كۇرت وزگەرىستەر كۇتىلمەيدى، - دەلىنگەن حابارلامادا.

باقىتگۇل اباي قىزى

اۆتور