ەلىمىزگە بوسقىندار كوبىنە قاي ەلدەردەن كەلگەن

استانا. KAZINFORM - ەلىمىزدە 196 مىڭ شەتەلدىك تۇراقتى تۇرىپ جاتىر. بۇل تۋرالى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ءمالىم بولدى.

ق ر ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتى ءتوراعاسىنىڭ ورىنباسارى ەربولات ابۋلحاتين ەلىمىزگە پانا ىزدەپ كەلگەندەر مەن بوسقىندار تۋرالى ءمالىم بەردى.

«2024 -جىلعى 1-قىركۇيەكتەگى جاعداي بويىنشا ەلىمىزدە پانا ىزدەگەن 368 ادام جانە 310 بوسقىن تۇرادى. بوسقىندار مەن پانا ىزدەۋشىلەردىڭ باسىم بولىگى الماتى قالاسىندا ورنالاسقان. وسى ورايدا، ىنتىماقتاستىقتى دامىتۋ جانە كەڭەيتۋ ماقساتىندا ەڭبەك مينيسترلىگى مەن ب ۇ ۇ بوسقىندار كوميسسياسى جونىندەگى جوعارعى كوميسسارىنىڭ باسقارماسى اراسىندا ءوزارا تۇسىنىستىك تۋرالى مەموراندۋم جاسالدى»، - دەدى ە. ابۋلحاتين.

ەڭبەك مينيسترلىگىنىڭ مالىمەتىنە قاراعاندا، پانا ىزدەۋشىلەردىڭ 175- ءى ۋكراينادان، 136-سى اۋعانستاننان، 19-ى رەسەيدەن جانە 39-ى باسقا ەلدەردەن. ال بوسقىنداردىڭ 213-ى اۋعانستاننان، 87- ءسى ۋكراينادان، بەسەۋى ق ح ر- دان، ۇشەۋى سيريادان، سونداي-اق بىرەۋى وزبەكستاننان كەلگەن.

ىشكى ىستەر مينيسترلىگى كوشى-قون قىزمەتى كوميتەتىنىڭ ءتوراعاسى اسلان اتالىقوۆتىڭ سوزىنە قاراعاندا، بيىل ەلىمىزگە 10 ميلليون 200 مىڭ شەتەلدىك ساپارلاپ كەلگەن. ولاردىڭ كوپشىلىگى ت م د ەلدەرىنىڭ ازاماتتارى (90 پايىز) سانالادى.

«قازىر ەلىمىزدە 196 مىڭ شەتەلدىك تۇراقتى تۇرىپ جاتىر. ونىڭ 42 مىڭى ەتنيكالىق قازاقتار ساناتىندا. شەتەلدىكتەردىڭ كوپشىلىگى الماتى مەن استانا قالالارىندا جانە الماتى وبلىسىندا ورنالاسقان. جىل باسىنان بەرى جارتى ميلليونعا جۋىق (476945) شەتەلدىك ۋاقىتشا تۇرۋعا رۇقسات الدى، ونىڭ 90 پايىزى ەڭبەك ەتۋ ماقساتىمەن»، - دەدى ا. اتالىقوۆ.

اۆتور

رۋسلان عابباسوۆ