ليۆانعا جاسالعان شابۋىل: ا ق ش تاياۋ شىعىستاعى اسكەري كونتينگەنتىن كوبەيتتى

استانا. KAZINFORM - ا ق ش كۇشىن نىعايتۋ ءۇشىن تاياۋ شىعىسقا «شاعىن قوسىمشا اسكەري كونتينگەنت» جىبەرىپ جاتىر.

Еuronews- ءتىڭ جازۋىنشا، پەنتاگون بۇل ماسەلەگە قاتىستى «ا ق ش تاياۋ شىعىسقا قوسىمشا اسكەري كۇش جىبەرەدى» دەپ مالىمدەگەن.

كوممەرسانت- تىڭ تاراتقان مالىمەتىنە ساي، قورعانىس مينيسترلىگىنىڭ وكىلى پاتريك رايدەر ا ق ش تاياۋ شىعىسقا شاعىن قوسىمشا كونتينگەنت جىبەرىپ جاتقانىن ايتقان.

«ساقتىق ماقساتىندا ءبىز ايماقتاعى كۇشىمىزدى ارتتىرۋ ءۇشىن ا ق ش اسكەرلەرىنىڭ شاعىن قوسىمشا كونتينگەنتىن جىبەرىپ جاتىرمىز»، - دەدى پاتريك رايدەر.

سپيكەر ساربازداردىڭ سانى كوبەيدى مە، الدە اسكەري تەحنيكا سانى ارتتى ما، ول جاعىن ناقتىلاۋدان باس تارتتى.

ول قاۋىپسىزدىكتى ساقتاۋ ماقساتىندا تىلشىلەردىڭ وزگە سۇراقتارىنا جاۋاپ بەرۋدەن باس تارتتى.

23 -قىركۇيەكتە يزرايل ليۆانداعى «حەزبوللا» نىساندارىنا جاپپاي سوققى بەردى.

سول كۇنى كەشكە يزرايل قورعانىس ءمينيسترى يواۆ گالانت ليۆاندا «سولتۇستىكتىڭ جەبەلەرى» دەپ اتالاتىن شابۋىل وپەراتسياسىن جاريالادى.

يزرايل پرەمەر- ءمينيسترى بينيامين نەتانياحۋ جەرگىلىكتى تۇرعىنداردى «حەزبوللا» نىساندارىنان الىس كەتۋگە شاقىردى.

23 -قىركۇيەكتە يزرايلدىڭ «حەزبوللا» نىسانالارىنا جاساعان اۋقىمدى سوققىلارىنان 300-گە جۋىق ادام، سونىڭ ىشىندە ايەلدەر مەن بالالار قازا تاپقانى ءمالىم بولدى.

قاقتىعىس 17 جانە 18 -قىركۇيەكتە ليۆاندا بولعان بايلانىس قۇرىلعىلارىنىڭ جارىلىستارىنان كەيىن باستالدى. وندا ونداعان ادام قازا تاۋىپ، 3 مىڭعا جۋىق ادام جاراقات الدى.

اۆتور

زارينا تۋعانبايەۆا