ۋلى جاندىك شاققاندا نە ىستەۋ كەرەك؟

استانا. قازاقپارات - ادامدى ۋلى جىلان شاققاندا بىرنەشە مينۋتتىڭ ىشىندە اۋرۋ، ىسىك پايدا بولىپ، ءتۇسى بوزارا باستايدى. تەرىنىڭ استىندا قاناۋ پروسەسى ءجۇرۋى مۇمكىن.

жылан
Фото: Pexels

دەنەنىڭ ءىس-قيمىلى قان اينالۋ جۇيەسىن ارتتىراتىندىقتان، ۋلى جاندىك شاققان بالانى دەرەۋ كولەڭكەلى، سالقىن جەرگە جاتقىزىپ تىنىشتاندىرۋ كەرەك.

اسىرەسە ۋلى جىلان شاققاندا جەدەل اۋرۋحاناعا جەتكىزۋ مۇمكىن بولماعان جەردە، العاشقى كومەك ءبىر ساعاتتىڭ ىشىندە جاسالۋ كەرەك. جارالانعان جەردىڭ ءتىس ىزدەرىن كولەمى بويىنشا كەسىپ، قانىن سورىپ قاناتۋ كەرەك.

قاندى سورعان ادامنىڭ اۋزىندا جارا بولماۋى كەرەك. اۋرۋحاناعا جەتكەنشە جارالانعان جەرگە سۋىق سۋ نەمەسە مۇز قويۋ، ۋدىڭ قانعا ارالاسۋىن باياۋلاتادى.

ارا شاققاندا ينەسى قالىپ كەتسە، قاناتپاستان، زاقىمداماستان ينەنى سۋىرىپ الۋ كەرەك. ارا شاققان جەرگە مۇز نەمەسە سۋىق سۋعا باتىرىلعان ماتا قويىلادى.

كەنە شاققاندا كەنەنى قولمەن سۋىرىپ الماۋ كەرەك. سەبەبى، كەنەنىڭ باسى تەرىنىڭ استىندا قالىپ كەتىپ، اللەرگيالىق رەاكسيالارعا نەمەسە قابىنۋلارعا سەبەپشى بولۋى مۇمكىن.

كەنەنىڭ ۇستىنە تەمەكى سەكىلدى وتتى نارسە قويىلادى. نەمەسە ۇستىنە سپيرت، ءيىس سۋ (ءاتىر) سەبىلگەن ماقتا قويىلىپ، كەنەنىڭ وزدىگىنەن شىعۋىن قامتاماسىز ەتۋ كەرەك.

سوڭعى جاڭالىقتار