ۇلى بريتانيادا 10 ميلليون زەينەتكەر قىسقى جاردەماقىدان ايىرىلادى

استانا. KAZINFORM - پارلامەنتتەگى ماڭىزدى داۋىس بەرۋ كەزىندە دەپۋتاتتار قىسقى وتىن اقىسىن تومەندەتۋدى ماقۇلداپ، بۇل جاردەماقىنى تەك الەۋمەتتىك جاعدايى تومەن زەينەتكەرلەرگە عانا بەرەتىن بولىپ كەلىستى.

كونسەرۆاتيۆتىك پارتيا ۇسىنعان قىسقارتۋعا جول بەرمەۋ تۋرالى ۇسىنىستى 228 دەپۋتات قولداپ، 348- ءى قارسى شىقتى.

قاۋىمدار پالاتاسىندا 167 ورىنعا يە لەيبوريستەر ۇكىمەتى وپپوزيتسيا ەكەنىنە قاراماستان بۇل شارانى قولدادى.

ايتا كەتەيىك، لەيبوريست دجون تريكەتت بۇل شەشىم قورعانسىز زەينەتكەرلەرگە اسەر ەتەتىنىنە الاڭداۋشىلىق بىلدىرسە دە، كونسەرۆاتيۆتى قوزعالىستى قولدادى.

قىسقارتۋ - زەينەتاقى نەسيەسى بار 66 جاستان اسقان از قامتىلعان نەمەسە باسقا دا قاجەتتىلىكتەرگە نەگىزدەلگەن جەڭىلدىگى بار ازاماتتار عانا جاردەماقى الادى دەگەن ءسوز.

بۇل شەكتەۋ جاردەماقى الۋشىلار سانىن 11,4 ميلليوننان 1,5 ميلليونعا دەيىن ازايتىپ، بيىل ۇكىمەتتىڭ شامامەن 1,4 ميلليارد فۋنت ستەرلينگ ۇنەمدەۋىنە كومەكتەسەدى.

شەشىم قاتتى سىنعا ۇشىرادى، كەيبىر لەيبوريست دەپۋتاتتار مەن ءتۇرلى قايىرىمدىلىق ۇيىمدارى وسى قىس «جىلۋ مەن تاماق» اراسىندا تاڭداۋ جاساۋعا ءماجبۇر بولۋى مۇمكىن از قامتىلعان زەينەتكەرلەرگە اۋىر تيەتىنىن ەسكەرتتى.

اۆتور

زارينا تۋعانبايەۆا