ۇلى بريتانيا كەلەسى جىلدان باستاپ رەسەيدەن الماز يمپورتتاۋعا تىيىم سالادى

ۇلى بريتانيا 2024-جىلدىڭ 1-قاڭتارىنان باستاپ رەسەي فەدەراتسياسىنان الماز يمپورتتاۋعا تىيىم سالادى. بۇل تۋرالى بىرىككەن كورولدىك س ءى م مالىمدەمەسىندە ايتىلعان. Kazinform بۇل تۋرالى ت ا س س- قا سىلتەمە جاساپ حابارلايدى.

«ۇلى بريتانيا ۇكىمەتى رەسەيدەن الماز يمپورتتاۋعا شەكتەۋ قويۋ تۋرالى زاڭ جوباسىن ۇسىنىپ، مەتالل سالاسىندا كومەكشى قىزمەت كورسەتۋگە تىيىم ەنگىزۋدى جوسپارلاپ وتىر» دەلىنگەن مالىمدەمەدە.

قۇجاتتا رەسەيلىك الماز يمپورتىنا تىيىم 2024-جىلدىڭ 1-قاڭتارىندا كۇشىنە ەنەتىنى جازىلعان.

سونىمەن قاتار لوندون رەسەيگە «اسكەري نەمەسە وندىرىستىك ماقساتتا» قولدانىلۋى مۇمكىن، ونىڭ ىشىندە كولىكتىڭ قوسالقى بولشەكتەرى مەن ەلەكتروندىق ونىمدەردى ەكسپورتتاۋعا تىيىم سالدى.

جالپى ۋكرايناداعى رەسەيلىك ارنايى اسكەري وپەراتسيا باستالعالى ۇلىبريتانيا 1,8 مىڭ رەسەيلىك جەكە جانە زاڭدى تۇلعانى، ونىڭ ىشىندە رەسەيلىك بانك سەكتورىنىڭ % 90 تيەسىلى 29 بانكتى قارا تىزىمگە ەنگىزدى.

ۇلى بريتانيالىق ب ا ق جازۋىنشا، سانكسيا سالدارىنان كورولدىكتە رەسەي ءونىمى يمپورتى 2021-جىلمەن سالىستىرعاندا %94- كە، ال رەسەي فەدەراتسياسىنا بريتانيا ەكسپورتى %74- كە قىسقارعان.

اۆتور
بالنۇر قوجاگەلدى