ەلورداداعى مەترو قۇرىلىسىنا ۇلتتىق قوردان قانشا قارجى تارتىلدى - كولىك ءمينيسترى جاۋابى
استانا. KAZINFORM - بۇگىن ۇكىمەت ۇيىندە كولىك ءمينيسترى مارات قارابايەۆقا ەلورداداعى LRT قۇرىلىسىنا قانشا قارجى جۇمسالدى دەگەن ساۋال قويىلدى.

- LRT قۇرىلىسىنا ءبىزدىڭ مينيسترلىك جاۋاپتى ەمەس، ول اكىمدىك تاراپىنان جۇرگىزىلىپ جاتقان جۇمىس. قارجى الۋ تەتىگىنىڭ ءبىرى كولىك مينيسترلىگى ارقىلى الۋ بولدى. ءيا، قۇرىلىستى اياقتاۋعا قوسىمشا قارجى ءبولىنىپ جاتىر، 54 ميلليارد تەڭگە، - دەپ قىسقا قايىردى مارات قارابايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.
وسى ورايدا مينيستر LRT قۇرىلىسىنا قاتىستى بارلىق ساۋالعا جەرگىلىكتى اتقارۋشى ورگان، ياعني ەلوردا اكىمدىگى جاۋاپتى ەكەنىن ايتتى.
- جالپى قۇرىلىسىنا، ونىڭ ىسكە قوسىلۋىنا، قانداي قارجى كوزدەرى جانە قانداي قارجى كوزدەرى قاراستىرىلدى، ونىڭ ءبارىن استانا قالاسىنىڭ اكىمدىگى جۇرگىزەدى، - دەيدى ول.
ودان بولەك، ب ا ق وكىلى ۆەدومستۆو باسشىسىنان LRT قۇرىلىسىنا ۇلتتىق قوردان قارجى بولىنگەنىن راستاۋىن سۇرادى.
- ايتتىم عوي، ۇلتتىق قوردان اقشا تارتىلعانىن تولىعىمەن راستايمىن. ويتكەنى، اقشانى الۋ كوزى ءبىزدىڭ مينيسترلىك ارقىلى بولدى. جالپى بۇل - بولىنگەن قارجىنىڭ ءبىر بولىگى، - دەپ تولىقتىردى م. قارابايەۆ.
ايتا كەتسەك، تاياۋدا وتكەن ۇكىمەتتىڭ كەڭەيتىلگەن وتىرىسىندا استانا اكىمى جەڭىس قاسىمبەك LRT قۇرىلىسىنىڭ اياقتالۋعا جاقىن ەكەنىن ايتقان ەدى.
اۆتور
داۋلەت ىزتىلەۋ