ەلوردادا ويىن-ساۋىق ورىندارىنا رەيد جۇرگىزىلدى

استانا. KAZINFORM - استانانىڭ سارى ارقا اۋدانىنداعى ويىن-ساۋىق ورىندارىنا جەرگىلىكتى- رەيدتىك ءىس-شارا وتكىزىلدى. بۇل تۋرالى استانا اكىمدىگىنىڭ رەسمي سايتى جازدى.

مەكەمەلەردە الدىن الۋ جۇمىستارى جۇرگىزىلىپ، ق ر زاڭناماسىندا بەلگىلەنگەن ورىنداردا تەمەكى ونىمدەرىن پايدالانۋ سالاسىنداعى ق ر زاڭناماسىن بۇزۋ فاكتىلەرى انىقتالدى. اتاپ ايتقاندا، قىزدىرىلاتىن تەمەكى، كاليانعا ارنالعان تەمەكى، كاليان قوسپاسى، تەمەكىنى جىلىتۋعا ارنالعان جۇيەلەر، ەلەكتروندى جۇيەلەر مەن سۇيىقتىقتاردى تۇتىنۋعا تىيىم سالۋ.

سارى ارقا اۋدانى اكىمى اپپاراتىنىڭ ىشكى ساياسات جانە الەۋمەتتىك سالا ءبولىمى باسشىسىنىڭ م. ا. دامير حيسماتۋللين بۇل ءىس-شارا تەمەكى ونىمدەرىن كاليان تۇرىندە ساتاتىن بۇزۋشىلاردى انىقتاۋعا كومەكتەسەتىنىن اتاپ ءوتتى.

«كاليان ادام دەنساۋلىعىنا جانە اينالاسىنداعىلاردىڭ دەنساۋلىعىنا زياندى اسەر ەتەتىن كەڭ تارالعان قۇرىلعى. وسىعان بايلانىستى حالىق اراسىندا سالاۋاتتى ءومىر سالتى تۇجىرىمداماسىن ىسكە اسىرۋ ماقساتىندا اتالعان ءىس-شارا وتكىزىلەدى. كوبىنەسە بۇل قۇرىلعىلاردى ساتىپ الۋشىلار كامەلەتكە تولماعان جاستار بولىپ سانالادى، ولار ءوز كەزەگىندە دەنەسىنە كەلتىرىلگەن زيان تۋرالى ويلامايدى.

وتكەن جىلى قوعامدىق ورىنداردا كاليان قولدانۋدىڭ 262 فاكتىسى انىقتالدى، اتالعان بۇزۋشىلىقتار بويىنشا مەكەمە اكىمشىلەرى مەن يەلەرى اتىنان جاۋاپتى تۇلعالار اكىمشىلىك جاۋاپكەرشىلىككە تارتىلدى. سونداي- اق بيىلعى جىل باسىنان بەرى وسىنداي 16 فاكت انىقتالدى»، - دەپ اتاپ ءوتتى دامير حيسماتۋللين.

ول رەيدتىك ءىس-شارالار تۇراقتى تۇردە وتكىزىلەتىنىن ايتتى.

رەيدتەر بارىسىندا رەسپۋبليكا داڭعىلى، 9/3 ءۇي مەكەنجايىنداعى «مياتا»، اۋەزوۆ كوشەسى، 8-ءۇي مەكەنجايىنداعى «پينتا» جانە جەلتوقسان كوشەسى، 2-ءۇي مەكەنجايىنداعى «شيشكا» سياقتى مەكەمەلەر قامتىلدى.

پروفيلاكتيكالىق ءىس-شارانى وتكىزۋ كەزىندە 10 ۋچاسكەلىك پوليتسيا ينسپەكتورى جۇمىلدىرىلدى.

اۆتور

ابىلايحان جۇماشيەۆ