14:03, 01 - جەلتوقسان 2023 | GMT +5
ەلوردادا سوت ورىنداۋشى جەردى زاڭسىز ساتۋعا كومەكتەسكەن
استانادا سوت ورىنداۋشى جەردى زاڭسىز ساتۋعا كومەكتەسكەن. قازاقپارات بۇل تۋرالى قالا پروكۋراتۋراسىنا سىلتەمە جاساپ حابارلايدى.
«بورىشكەر مەملەكەت الدىنداعى مىندەتتەمەدەن جالتارۋ ماقساتىندا جەكە سوت ورىنداۋشىنىڭ كومەگىمەن جەر تەلىمىن زاڭسىز يەلىكتەن شىعارعان.
پروكۋروردىڭ تالاپ- ارىزى بويىنشا جەر ۋچاسكەسىن ساتىپ الۋ- ساتۋ شارتى سوتپەن جارامسىز دەپ تانىلىپ، 60 ميلليون تەڭگە كولەمىندە مەملەكەت مۇددەسى قورعالدى»، - دەلىنگەن مالىمەتتە.
پروكۋرورلار قاداعالاۋ اكتىسىن ەنگىزىپ، ناتيجەسىندە مۇلىكتەن ارەستى الۋ جانە مۇلىكتى بەرۋ تۋرالى سوت ورىنداۋشىنىڭ زاڭسىز قاۋلىلارىنىڭ كۇشى جويىلعان. ول جاۋاپكەرشىلىككە تارتىلدى.
پايدالانىلماي جاتقان جەر ۋچاسكەسى سوت شەشىمىمەن مەملەكەت پايداسىنا الىندى.
اۆتور
گۇلميرا الياكپاروۆا
