ەلوردادا پەداگوگيكالىق ۋنيۆەرسيتەت اشىلادى
ەلوردادا پەداگوگيكالىق ۋنيۆەرسيتەت پەن پەداگوگيكالىق ينستيتۋت اشىلادى. بۇل تۋرالى استانا قالالىق ءبىلىم باسقارماسىنىڭ باسشىسى قاسىمحان سەنعازيەۆ ايتتى، دەپ حابارلايدى Kazinform.
ايتا كەتەيىك، بۇگىن وقۋ-اعارتۋ ءمينيسترى عاني بەيسەمبايەۆ استانا جۇرتشىلىعىمەن كەزدەسۋ وتكىزىپ جاتىر.
«ءۇش اۋىسىمدى جانە شامادان تىس مەكتەپتەردىڭ ماسەلەسىن شەشۋ ءۇشىن 12 جاڭا مەكتەپ سالۋ جوسپارلانعان. بۇگىنگى كۇنى ونىڭ جەتەۋى پايدالانۋعا بەرىلدى. قالعان بەسەۋى وسى ايدا پايدالانۋعا بەرىلىپ، 3 توقساندا وقۋ پروتسەسى باستالادى. 2024 -جىلى 33 مەكتەپ، 2025-2028 -جىلدارى تاعى 43 مەكتەپ سالۋ جوسپارلاندى. 2023-2027 -جىلدار ارالىعىندا بارلىعى 200 مىڭعا جۋىق ورىنعا ارنالعان 88 مەكتەپ سالۋ كوزدەلىپ وتىر. قالانىڭ باس جوسپارىندا بەلگىلەنگەن 2035 -جىلعا دەيىنگى ورىن تاپشىلىعىن تولىعىمەن شەشەمىز. اتالعان مەكتەپتەردىڭ قۇرىلىسى، قالامىزداعى ءۇش اۋىسىمدى 8 مەكتەپتىڭ جانە بالا سانى شامادان تىس 16 مەكتەپتىڭ ماسەلەسىن تولىق شەشەدى»، - دەدى باسقارما باسشىسى.
ونىڭ اتاپ وتۋىنشە، جىل سايىن مەكتەپ وقۋشىلارىنىڭ سانىنىڭ وسۋىنە بايلانىستى قالادا 2026-2027 وقۋ جىلىنا قاراي 5 مىڭ پەداگوگقا قاجەتتىلىك تۋىندايتىن بولادى. كادر تاپشىلىعىن شەشۋ ماقساتىندا جىل سايىن جەرگىلىكتى بيۋدجەت ەسەبىنەن پەداگوگيكالىق ماماندىقتارعا 1000 ورىنعا مەملەكەتتىك تاپسىرىس بەرىلەدى.
«سونىمەن قاتار مەملەكەت باسشىسى قاسىم-جومارت كەمەل ۇلىنىڭ ەلوردادا پەداگوگيكالىق جوعارى وقۋ ورنىن اشۋ تۋرالى تاپسىرىسىن ورىنداۋ ماقساتىندا مەملەكەتتىك-جەكەشەلىك ارىپتەستىك جوباسى اياسىندا گۋمانيتارلىق كوللەدج بازاسىندا پەداگوگيكالىق ۋنيۆەرسيتەت اشىلادى. سونداي- اق «ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ» بازاسىندا، اباي اتىنداعى قازۇپۋ فيليالىن جانە «ن ي ش» بازاسىندا پەداگوگيكالىق ينستيتۋت قۇرۋ بويىنشا جۇمىستار جۇرگىزىلىپ جاتىر»، - دەدى قاسىمحان سەنعازييەۆ.
ايتا كەتەيىك، بۇگىن وقۋ-اعارتۋ ءمينيسترى عاني بەيسەمبايەۆ استانا جۇرتشىلىعىمەن كەزدەسۋ وتكىزىپ جاتىر.
اۆتور
مارلان جيەمباي
