10:27, 05 - اقپان 2024 | GMT +5
ەلوردادا بالالاردى سوققىعا جىققان بۇزاقى ۇستالدى
استانا. KAZINFORM - ەلورداداعى تۇرعىن ۇيلەردىڭ بىرىندە بالالاردى سوققىعا جىققان جىگىت ۇستالدى.
كەشە الەۋمەتتىك جەلىدە تۇرعىن ۇيلەردىڭ ءبىرىنىڭ كىرەبەرىسىندە ەر ادامنىڭ ءبىر بالانى سوققىعا جىعىپ، ەكىنشىسىن قىلقىندىرعانى بەينەلەنگەن ۆيدەو تارادى. جەلىدە بۇل وقيعانىڭ «ەدەم پالاس-2» تۇرعىن ءۇي كەشەنىندە ورىن العانىن جازۋدا.
وسى وقيعاعا بايلانىستى استانا قالالىق پوليتسيا دەپارتامەنتىنىڭ باسپا ءسوز قىزمەتى بۇزاقىنىڭ قولعا تۇسكەنىن ءمالىم ەتتى.
«بايقوڭىر اۋداندىق پوليتسيا باسقارماسى اتالعان تۇرعىن ءۇيدىڭ 30 جاستاعى تۇرعىنىن انىقتاپ، ۇستادى. بۇزاقىلىق بابىمەن قىلمىستىق ءىس قوزعالدى. سوتقا دەيىنگى تەرگەۋ امالدارى جۇرگىزىلىپ جاتىر»، - دەپ اتاپ ءوتتى پوليتسيادان.
اۆتور
مارلان جيەمباي
