ەلوردا مەكتەپتەرىندە اۋا رايىنىڭ ناشارلاۋىنا بايلانىستى ساباقتار قىسقارتىلدى

استانا. KAZINFORM - ەلوردا مەكتەپتەرىندە 6-قاراشا كۇنى جەلدىڭ كۇشەيۋىنە بايلانىستى ساباقتاردىڭ ۇزاقتىعى قىسقاردى، دەپ حابارلايدى استانا اكىمدىگىنىڭ رەسمي سايتى.

«6-قاراشادا اۋا رايىنىڭ ناشارلاۋىنا بايلانىستى (جەلدىڭ جىلدامدىعى 30 م/س دەيىن ارتادى) ەكىنشى اۋىسىمنىڭ ەكىنشى ساباعىنان باستاپ ساباقتار 30 مينۋتقا دەيىن قىسقارادى. سىنىپ جەتەكشىلەرى اتا-انالارعا وقۋشىلاردىڭ تەك ەرەسەكتەرمەن جىبەرىلەتىنى تۋرالى ايتۋ قاجەت»، - دەپ حابارلادى استانا قالاسىنىڭ ءبىلىم باسقارماسى.

جەلدىڭ كۇشەيۋىنە بايلانىستى ەلوردالىق قۇتقارۋشىلار ازاماتتاردى قاۋىپسىزدىك شارالارىن ساقتاۋعا شاقىردى.

«قازگيدرومەت» ر م ك مالىمەتىنشە، 6-7 -قاراشادا استانادا قاتتى جەل سوعادى. سينوپتيكتەر وڭتۇستىك- باتىستان 23-28 م/س، كەيدە 30 م/س دەيىن جەل سوعادى دەپ بولجايدى.

ەسكە سالا كەتەيىك، بۇعان دەيىن استانا قالاسى ت ج د اۋا رايىنىڭ قولايسىزدىعىنا بايلانىستى جازاتايىم وقيعا بولماس ءۇشىن ەلوردا تۇرعىندارى مەن قالا قوناقتارىنان قاۋىپسىزدىك شارالارىن ساقتاۋعا شاقىرعانىن جازاعان ەدىك.

اۆتور

ابىلايحان جۇماشيەۆ