ەلوردا اكىمى تۇرعىنداردى ۇيدەن شىقپاۋعا شاقىردى
استانا اكىمى جەڭىس قاسىمبەك قالاداعى كوكتايعاققا قاتىستى تۇرعىندارعا ۇندەۋ جاسادى، دەپ حابارلايدى Kazinform.
«اۋا رايىنىڭ كۇرت وزگەرۋىنە بايلانىستى قالانىڭ كوممۋنالدىق قىزمەتتەرى تاۋلىك بويى كۇشەيتىلگەن رەجيمدە جۇمىس ىستەپ جاتىر. تۇنگى ۋاقىتتا جاۋعان جاڭبىردىڭ سالدارىنان كوكتايعاق بولدى. كوممۋنالدىق قىزمەتتەر تۇننەن باستاپ جولدار مەن تروتۋارلارعا قۇم مەن تۇز قوسپاسىن سەۋىپ جاتىر»، - دەپ جازدى ج. قاسىمبەك الەۋمەتتىك جەلىدەگى پاراقشاسىندا.
بۇل تۇرعىدا ول كوكتايعاق كەتكەنشە قارتتار مەن بالالاردى كوشەگە شىقپاۋعا شاقىردى. ال كولىك جۇرگىزۋشىلەرى ارا قاشىقتىقتى ساقتاپ، وتە ساق بولۋى بولۋى قاجەت.
«تراۆماتولوگيا پۋنكتتەرىنىڭ جۇمىسى كۇشەيتىلدى. اۋدان اكىمدىكتەرىنە جانە م ي ب/پ ي ك- كە اۋلالار مەن قوعامدىق ورىندارعا ينەرتتى ماتەريال شاشۋ تاپسىرىلدى»، - دەدى اكىم.
اۆتور
رۋسلان عابباسوۆ
