ەلوردا قالانى باسقارۋدىڭ جاڭا مودەلىنە كوشەدى

- استانا بۇگىندە جوعارى قارقىنمەن دامىپ كەلەدى. قالانىڭ وسۋىمەن بىرگە جولدارعا، كوممۋنالدىق جانە ينجەنەرلىك ينفراقۇرىلىمعا تۇسەتىن جۇكتەمە ارتىپ، تۇرعىنداردىڭ قاۋىپسىزدىككە، قىزمەتتەردىڭ جەدەل ارەكەت ەتۋىنە جانە قالالىق ورتانىڭ ساپاسىنا قوياتىن تالاپتارى دا كۇشەيىپ وتىر. وسىعان بايلانىستى ءبىز ەلوردانى باسقارۋدىڭ جاڭا مودەلىنە كوشۋ بويىنشا جۇيەلى جۇمىس جۇرگىزىپ كەلەمىز. بۇل - دەرەكتەرگە، تالداۋعا جانە جاساندى ينتەللەكت تەحنولوگيالارىنا نەگىزدەلگەن باسقارۋ مودەلى. بيىل ءساۋىر ايىندا مەملەكەت باسشىسىنىڭ قاتىسۋىمەن «Astana Smart City» ستراتەگيالىق جوباسى ىسكە قوسىلدى. ءبىز ءۇشىن بۇل - ەلوردانىڭ سيفرلىق دامۋى جولىنداعى ماڭىزدى كەزەڭ جانە قاۋىپسىز، تەحنولوگيالىق ءارى تۇرعىندارعا قولايلى قالا قالىپتاستىرۋعا باعىتتالعان ناقتى قادام، - دەدى ول استانا قالاسىنىڭ كوممۋنيكاتسيالار قىزمەتىندە وتكەن بريفينگىدە.

ونىڭ ايتۋىنشا، جوبا مەملەكەتتىك-جەكەشەلىك ارىپتەستىك اياسىندا استانا قالاسىنىڭ اكىمدىگى، G42 حالىقارالىق حولدينگىنىڭ قۇرامىنا كىرەتىن Presight AI كومپانياسى جانە «استانا Innovations» ا ق- نىڭ قاتىسۋىمەن بىرلەسىپ ىسكە اسىرىلىپ جاتىر. جوبانىڭ نەگىزگى ماقساتى - قالانىڭ نەگىزگى جۇيەلەرىن ءبىرىڭعاي ينتەللەكتۋالدى پلاتفورماعا بىرىكتىرۋ ارقىلى ەلورداداعى قوعامدىق جانە جول قاۋىپسىزدىگىن ارتتىرۋ. مۇنداي ەكوجۇيە قالاداعى جاعدايدى ناقتى ۋاقىت رەجيمىندە باقىلاۋعا، دەرەكتەردى تالداۋعا، وقيعالارعا جەدەل دەن قويۋعا جانە اناعۇرلىم ناقتى باسقارۋشىلىق شەشىمدەر قابىلداۋعا مۇمكىندىك بەرەدى. جوبا اياسىندا بىرنەشە نەگىزگى باعىت بويىنشا سيفرلىق ارحيتەكتۋرا قالىپتاستىرىلدى.

- ءبىرىنشى باعىت - زاماناۋي دەرەكتەر ينفراقۇرىلىمى. قالا قاجەتتىلىگى ءۇشىن 100 سەرۆەرلىك تىرەككە ەسەپتەلگەن ەگەمەندى دەرەكتەردى وڭدەۋ ورتالىعى قۇرىلدى. ول سيفرلىق جۇيەلەردىڭ تۇراقتى جۇمىسىن، ۇلكەن كولەمدەگى اقپاراتتى سەنىمدى ساقتاۋ مەن وڭدەۋدى قامتاماسىز ەتەدى، سونداي- اق جاساندى ينتەللەكت نەگىزىندەگى شەشىمدەردى ەنگىزۋ ءۇشىن تەحنولوگيالىق نەگىز قالىپتاستىرادى. ەكىنشى باعىت - بەينەباقىلاۋ جانە اناليتيكا جۇيەسىن ينتەگراتسيالاۋ. بۇگىندە جاساندى ينتەللەكت ەلەمەنتتەرى بار 60 مىڭنان استام قالالىق كامەرا ءبىرىڭعاي سيفرلىق كونتۋرعا بىرىكتىرىلدى. جۇيە ءورت پەن ءتۇتىندى، قالدىرىلعان زاتتاردى، توبەلەستى، اگرەسسيۆتى مىنەز- قۇلىقتى، قوعامدىق ءتارتىپتى بۇزۋ فاكتىلەرىن جانە باسقا دا وقيعالاردى انىقتاۋدى قوسا العاندا، 35-تەن استام جاعدايلىق اناليتيكا ءتۇرىن قولدايدى، - دەدى باسقارما باسشىسىنىڭ ورىنباسارى.

بەكسۇلتان قۋاندىقتىڭ اتاپ وتۋىنشە، جول قاۋىپسىزدىگى - جوبانىڭ جەكە ماڭىزدى باعىتى. ەلوردا جولدارىندا

1200-دەن استام اپپاراتتىق- باعدارلامالىق كەشەن ورناتىلعان. ولار قاۋىپسىزدىك بەلدىگىن تاقپاۋ، كولىك جۇرگىزۋ كەزىندە ۇيالى تەلەفون پايدالانۋ، جاياۋ جۇرگىنشىگە جول بەرمەۋ جانە باسقا دا قۇقىق بۇزۋشىلىقتاردى قوسا العاندا، 15-تەن استام جول قوزعالىسى ەرەجەسىن بۇزۋ ءتۇرىن تىركەيدى.

- ءبىزدىڭ ۇستانىمىمىز بويىنشا، مۇنداي تەحنولوگيالار ەڭ الدىمەن قۇقىق بۇزۋشىلىقتاردىڭ الدىن الۋعا، جولداعى ءتارتىپتى كۇشەيتۋگە جانە ازاماتتاردىڭ قاۋىپسىزدىگىن قامتاماسىز ەتۋگە قىزمەت ەتۋى ءتيىس. جوبانىڭ نەگىزگى ەلەمەنتى - احۋالدىق ورتالىق. ول قالالىق جۇيەلەردىڭ دەرەكتەرىن ناقتى ۋاقىت رەجيمىندە بىرىكتىرىپ، كوممۋنالدىق، شۇعىل جانە باسقا دا قىزمەتتەرىنىڭ جۇمىسىن ۇيلەستىرۋدى قامتاماسىز ەتەدى، - دەدى ول.

باسقارما باسشىسى ورىنباسارىنىڭ مالىمەتىنشە، پلاتفورما اعىمداعى جاعدايدى تىركەۋگە، ونىڭ دامۋ بارىسىن بولجاۋعا جانە باسقارۋشىلىق شەشىمدەر قابىلداۋ ءۇشىن ۇسىنىمدار قالىپتاستىرۋعا مۇمكىندىك بەرەدى. جول- كولىك وقيعاسى، ءورت، قوعامدىق ءتارتىپتى بۇزۋ نەمەسە باسقا دا وقيعا انىقتالعان جاعدايدا، اقپارات ءتيىستى قىزمەتتەرگە جەدەل جولدانادى. بۇل دەن قويۋ ۋاقىتىن قىسقارتىپ، ادامي فاكتوردىڭ اسەرىن ازايتادى.

- وسىلايشا، ءبىز رەاكتيۆتى باسقارۋدان پرواكتيۆتى باسقارۋعا كەزەڭ- كەزەڭىمەن كوشىپ كەلەمىز. قالالىق قىزمەتتەر ەندى بولعان وقيعالارعا عانا ارەكەت ەتىپ قويماي، تاۋەكەلدەردى الدىن الا انىقتاۋعا، وقيعالاردىڭ الدىن الۋعا جانە وبەكتيۆتى دەرەكتەر نەگىزىندە شەشىم قابىلداۋعا مۇمكىندىك الادى. تۇرعىندار ءۇشىن بۇل - قاۋىپسىز قالالىق ورتا، قىزمەتتەردىڭ جەدەل جۇمىسى، كولىك جانە كوممۋنالدىق پروتسەستەر ساپاسىنىڭ ارتۋى، سونداي-اق قالالىق ينفراقۇرىلىمدى ءتيىمدى باسقارۋ دەگەن ءسوز. الداعى ۋاقىتتا پلاتفورمانىڭ فۋنكتسيونالىن كەڭەيتۋ، قالالىق جۇيەلەردى ينتەگراتسيالاۋ، بەينەاناليتيكانى دامىتۋ جانە قىزمەتتەر اراسىنداعى ءوزارا ءىس-قيمىل تيىمدىلىگىن ارتتىرۋ جۇمىستارى جالعاساتىن بولادى، - دەدى بەكسۇلتان قۋاندىق.