ۇلتتىق قوردان بالالارعا بەرىلەتىن كەلەسى قاراجات قاشان تۇسەدى

استانا. قازاقپارات - 2024 -جىلدىڭ اقپان ايىندا «ۇلتتىق قور - بالالارعا» جوباسى بويىنشا تولەمدەر باستالدى. $1,3 ميلليون جاستاردىڭ تۇرعىن ءۇي جاعدايىن جاقسارتۋعا جانە ءبىلىم بەرۋ اقىسىن تولەۋگە باعىتتالدى.

«6,9 ميلليون بالانىڭ شوتىنا $100,05-دان اۋدارىمدار جۇرگىزىلدى. جوبا جاستاردىڭ تۇرعىن ءۇي جاعدايىن جاقسارتۋعا جانە ءبىلىم بەرۋ اقىسىن تولەۋگە باعىتتالىپ وتىر»، - دەلىنگەن حابارلامادا.

بيىل قاراجاتتى پايدالانۋعا 16,6 مىڭ ءوتىنىم بەرىلدى، ونىڭ ىشىندە 13 مىڭ ءوتىنىم ورىندالدى.

ورىندالعان وتىنىمدەردىڭ جالپى سوماسى $1,3 ميلليوندى قۇرادى، كەلەسى قاراجات 2025 -جىلدىڭ اقپان ايىندا ەسەپتەلەدى، بۇل بالالار مەن ولاردىڭ وتباسىنا قوسىمشا قولداۋدى قامتاماسىز ەتەدى.

اۆتور

باقىتگۇل اباي قىزى