«ۇلتتىق قور - بالالارعا»: بيىل 902 ميلليون ا ق ش دوللارى اۋدارىلدى

استانا. KAZINFORM - مەملەكەتتىڭ بالالارعا ارنالعان ينۆەستيتسياسى ءۇش ەسە ءوستى. بۇل تۋرالى قۇرىلتايدا «قازاقستان بالالارى» تۇجىرىمداماسىنىڭ ىسكە اسىرىلۋىن تالقىلاۋعا ارنالعان ۇكىمەت ساعاتىندا وقۋ-اعارتۋ ءمينيسترى جۇلدىز سۇلەيمەنوۆا ءمالىم ەتتى.

бала
Коллаж: Kazinform

- 2024 -جىلدان باستاپ «ۇلتتىق قور - بالالارعا» باعدارلاماسى جۇزەگە اسىرىلىپ كەلەدى جانە ءار بالانىڭ ارنايى شوتىنا ءتيىستى قاراجات اۋدارىلدى. وسىلايشا، 2024 -جىلى 695,5 ميلليون ا ق ش دوللارى، 2025 -جىلى - 888,8 ميلليون ا ق ش دوللارى، ال 2026 -جىلى 901,7 ميلليون ا ق ش دوللارى اۋدارىلدى، - دەدى جۇلدىز سۇلەيمەنوۆا.

ونىڭ ايتۋىنشا، قازاقستاندا 7 ميلليونعا جۋىق بالا تۇرادى. بۇل - حالىقتىڭ شامامەن ۇشتەن ءبىر بولىگى. وسى بالالاردىڭ يگىلىگى ءۇشىن مەملەكەت تاراپىنان سالىنعان ينۆەستيتسيا ءۇش ەسە ءوسىپ، 6,4 تريلليون تەڭگەگە جەتتى.

بۇعان دەيىن «ۇلتتىق قور - بالالارعا» باعدارلاماسى اياسىندا پايدالانىلماعان قاراجات قايدا قالاتىنىن جازعان ەدىك.