08:29, 04 - قاڭتار 2025 | GMT +5
ۇلتتىق قۇرىلتايدىڭ قۇرامى وزگەردى
استانا. KAZINFORM - ۇلتتىق قۇرىلتاي قۇرامىندا روتاتسيا بولدى. بۇل تۋرالى اقوردا ءمالىم ەتتى.
- ۇلتتىق قۇرىلتايدىڭ جۇمىسىنا قوعام وكىلدەرى باسپاگەر رايسا سايران قادىر، «Qazaqstan» تەلەراديوكورپوراتسياسىنىڭ جۋرناليسى، تەلەجۇرگىزۋشى ەرقانات كوپجاسار ۇلى، ءال-فارابي اتىنداعى قازاق ۇلتتىق ۋنيۆەرسيتەتىنىڭ باسقارما ءتوراعاسى - رەكتورى جانسەيىت تۇيمەبايەۆ، قازاقستان رەسپۋبليكاسى پرەزيدەنتى ءارحيۆىنىڭ ديرەكتورى ءاليا مۇستافينا، قوستاناي اۆتوموبيل كولىگى كوللەدجىنىڭ باسشىسى دميتري پاۆلەنكو، ساياسي شولۋشى عازيز ابىشيەۆ، شىعىس قازاقستان وبلىسى قوعامدىق كەڭەسىنىڭ مۇشەسى ولگا كۋزوۆليەۆا تارتىلدى، - دەلىنگەن حابارلامادا.
روتاتسيا اياسىندا ۇلتتىق قۇرىلتاي قۇرامىنان ءا. بەكتايەۆ، و. سەلتەيەۆ، د. رىپاكوۆ، ا. ەلگەزەك، ي. سالجانوۆ، ا. بيكەبايەۆ شىقتى.
