ۇلتتىق قاۋىپسىزدىك كوميتەتى «سامۇرىق-قازىنا» مەن «قازاقستان تەمىر جولى» باسشىلارى ۇستالعانىن راستادى
استانا. KAZINFORM - «سامۇرىق-قازىنا» ا ق باسقارما ءتوراعاسى ن. جاقىپوۆ، «ق ت ج» ۇ ك» ا ق باسقارما توراعاسى ە. وتىنشيەۆ جانە سىبايلاس جەمقورلىق قىلمىسىن جاسادى دەگەن كۇدىككە ىلىنگەن وزگە دە تۇلعالار ۇستالدى. بۇل تۋرالى ق ر ۇلتتىق قاۋىپسىزدىك كوميتەتى حابارلادى.
— 2026 -جىلعى 11- قاراشادا ق ر ۇ ق ك سىبايلاس جەمقورلىققا قارسى ءىس-قيمىل قىزمەتى «سامۇرىق-قازىنا» ا ق باسقارما ءتوراعاسى ن. جاقىپوۆتى، «ق ت ج» ۇ ك» ا ق باسقارما توراعاسى ە. وتىنشيەۆتى جانە سىبايلاس جەمقورلىق قىلمىسىن جاسادى دەگەن كۇدىككە ىلىنگەن وزگە دە تۇلعالاردى ۇستادى، - دەپ جازىلعان رەسمي حابارلامادا.
قازىرگى ۋاقىتتا ءىستىڭ بارلىق ءمان-جايىن انىقتاۋعا باعىتتالعان تەرگەۋ امالدارى جۇرگىزىلىپ جاتىر.
قىلمىستىق-پروتسەستىك كودەكستىڭ 201-بابىنا سايكەس، سوتقا دەيىنگى تەرگەپ-تەكسەرۋ بارىسى تۋرالى وزگە اقپارات جاريا ەتىلمەيدى.
— مەملەكەت باسشىسىنىڭ تاپسىرمالارىن ورىنداۋ جانە «زاڭ مەن ءتارتىپ» قاعيداتىن ساقتاۋ اياسىندا سىبايلاس جەمقورلىققا قارسى كۇرەس جۇمىستارى جالعاسىپ جاتىر، — دەيدى سىبايلاس جەمقورلىققا قارسى ءىس-قيمىل قىزمەتى.
بۇعان دەيىن پرەمەر-مينيستر ولجاس بەكتەنوۆ «سامۇرىق-قازىنا» قورىنىڭ ءىرى ينۆەستيتسيالىق جوبالارىن جۇزەگە اسىرۋ مەرزىمدەرىنىڭ بۇزىلۋىن سىناعان ەدى.
پرەمەر-مينيستر قور مەن ەنشىلەس كومپانيالار باسشىلىعىنا جوبالاردىڭ ۋاقىتىلى اياقتالۋىن باقىلاۋدى كۇشەيتۋدى تاپسىردى.
سونداي-اق «سامۇرىق-ەنەرگو» ا ق باسقارما ءتوراعاسى قايرات ماقسۇتوۆ جاڭا ەنەرگەتيكالىق قۋاتتى سالۋ جانە پايدالانۋعا بەرۋ مەرزىمىنىڭ ساقتالۋىن جەتكىلىكتى دەڭگەيدە باقىلاماعانى ءۇشىن قىزمەتىنەن بوساتىلدى.
