ۇلتتىق قاۋىپسىزدىك كوميتەتى كاسىپكەرلەردەن اقشا بوپسالاعان ەكى ادامدى ۇستادى
استانا. KAZINFORM - ۇلتتىق قاۋىپسىزدىك كوميتەتى پروكۋراتۋرانىڭ ۇيلەستىرۋىمەن بوپسالاۋ كۇدىگى بويىنشا اقمولا وبلىسىنىڭ 2 تۇرعىنىن ۇستادى.
تەرگەۋ ماتەريالدارى بويىنشا، ولار شەتەلدىك «زاڭداعى ۇرىلار» دەپ اتالاتىنداردىڭ قامقورلىعىمەن كاسىپكەرلەردەن اقشا بوپسالاۋمەن اينالىسقان. وسىلايشا «بۋراباي» كۋرورت ايماعىنىڭ بيزنەس سۋبەكتىلەرىنە قىلمىستىق باقىلاۋ ورناتۋعا تىرىسقان.
ءتىنتۋ بارىسىندا ءىس فيگۋرانتتارىنان اتىس جانە سۋىق قارۋ، سونداي-اق ەسىرتكى زاتتارى الىندى. قىلمىستىق كودەكستىڭ 194-بابى 3-بولىگىنىڭ 2-تارماعى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
سوتتىڭ سانكسياسىمەن ۇستالعان ادامدارعا قاماۋدا ۇستاۋ تۇرىندەگى بۇلتارتپاۋ شاراسى قولدانىلدى. وزگە اقپارات قىلمىستىق-پروتسەستىك كودەكستىڭ 201-بابى 1-بولىگىنە سايكەس جاريا ەتۋگە جاتپايدى.
اۆتور
ەلميرا ورالبايەۆا
