ۇلتتىق كوزقاراسىمىزدى دارىپتەۋىمىز قاجەت - قاسىم- جومارت توقايەۆ
مەملەكەت باسشىسى قاسىم- جومارت توقايەۆ قىزىلوردا قالاسىندا جاقىندا بوي كوتەرگەن «اناعا تاعزىم» ورتالىعىن ارالاپ كوردى، دەپ حابارلايدى Кazinform.
اقوردا مالىمەتىنە سۇيەنسەك، اتالعان ورتالىق بيىل دەمەۋشىلەردىڭ قولداۋىمەن سالىنعان. جالپى قۇنى - 1 ميلليارد 700 ميلليون تەڭگە.
جوبانىڭ ماقساتى - ۇلتتىق قۇندىلىقتاردى ۇرپاققا ميراس ەتىپ قالدىرۋ، ءداستۇرلى مادەنيەتتى جاڭعىرتۋ، ايەلدەر ەڭبەگىن دارىپتەۋ. سونىمەن قاتار قىز- كەلىنشەكتەر مەن انالاردى ومىرگە، تۇرمىسقا بەيىمدەۋ جۇمىسىمەن دە اينالىسادى.
پرەزيدەنت ورتالىقتا قولونەر شەبەرلەرى جاساعان بۇيىمدار كورمەسىن جانە «قازاق ەلىنىڭ ۇلى انالارى» كارتيناسىن تاماشالادى. سودان كەيىن «اناعا تاعزىم» ورتالىعىنداعى «ۇلت جاقۇتى» مۋزەي زالىمەن، «ميراس» اجەلەر كلۋبىمەن، «جاس وتاۋ» مەكتەبىمەن، «شامشىراق» فوتو- ۆيدەو ستۋدياسىمەن، پسيحولوگ- مەدياتور كابينەتىمەن تانىستى.
مەملەكەت باسشىسى مۇنداي ورتالىق جاستارعا ءتالىم- تاربيە بەرۋدە ماڭىزدى ءرول اتقاراتىنىن ايتتى.
«راسىندا، بۇل جۇمىس وتە ماڭىزدى. جاستارىمىزدىڭ اراسىندا ۇلتتىق سالت- ءداستۇرىمىزدى، بولمىسىمىزدى، ءتىلىمىزدى، ءدىلىمىزدى ناسيحاتتاۋىمىز كەرەك. ايتپەسە، دۇنيەجۇزىندە بولىپ جاتقان تەرىس ۇردىستەردى ءبارىمىز كورىپ وتىرمىز. ونداي جاعىمسىز ۇردىستەر ەلىمىزدە دە بار. ءبىز ولارمەن كۇرەسىپ، ءوزىمىزدىڭ ۇلتتىق كوزقاراسىمىزدى دارىپتەۋىمىز قاجەت»، - دەدى قاسىم- جومارت توقايەۆ.
اۆتور
گۇلميرا الياكپاروۆا
