ۇلتتىق بانك ۆاليۋتا ايىرباستاۋ نارىعىندا الىپساتارلىقتى شەكتەيتىن قۇجات قابىلداماقشى

استانا. KAZINFORM - ۇلتتىق بانك ۆاليۋتا ايىرباستاۋ نارىعىندا الىپساتارلىقتى شەكتەيتىن قاۋلى جوباسىن كوپشىلىك تالقىلاۋىنا شىعاردى.

Национальный банк Казахстана Қазақстан Ұлттық банкі
Фото: Адлет Беремкулов/ Kazinform

- جوبادا ۋاكىلەتتى بانكتەردىڭ كليەنتتەردىڭ جۇرگىزىلگەن ۆاليۋتالىق وپەراتسيالارى بويىنشا ەسەپتىلىكتى ۇسىنۋ مەرزىمدەرىن قىسقارتۋعا باعىتتالعان تۇزەتۋلەر كوزدەلگەن. بانكتەردىڭ ەسەپتىلىكتى ۇسىنۋ مەرزىمدەرى نارىقتاعى جاعداي تۋرالى مالىمەتتەردى ۋاقتىلى الۋ، ونى تالداۋ جانە قاجەت بولعان جاعدايدا جەدەل شارالار قابىلداۋ ماقساتىندا قىسقارتىلادى، - دەپ جازىلعان باسپا ءسوز- رەليزدە.

سونداي-اق قۇجات بەيرەزيدەنتتەردىڭ كونۆەرسيالىق وپەراتسيالارىنا كۇشەيتىلگەن قارجىلىق مونيتورينگ جۇرگىزۋگە ارنالعان.

- بۇل تۇزەتۋ شەتەل ۆاليۋتاسىنا الىپساتارلىق سۇرانىستى بولدىرماۋ، سونداي-اق بەيرەزيدەنتتەردىڭ قاتىسۋىمەن ءتۇرلى سحەمالاردى قولدانا وتىرىپ، كونۆەرسيالىق وپەراتسيالاردى جۇرگىزۋ كەزىندە قازاقستان رەسپۋبليكاسىنىڭ ۆاليۋتالىق زاڭناماسىنىڭ تالاپتارىن اينالىپ وتپەۋ ءۇشىن ازىرلەندى. بۇل رەتتە رەزيدەنتتەرگە تاۋارلار مەن قىزمەتتەردى ساتۋدان، تەڭگەگە قارجى اكتيۆتەرىن ساتۋدان، قازاقستان اۋماعىنداعى قىزمەتتەن ديۆيدەندتەر الۋدان تۇسەتىن تەڭگەگە شەتەل ۆاليۋتاسىن كونۆەرتاتسيالاۋ ستاندارتتى رەجيمدە جۇرگىزىلەدى، - دەلىنگەن قۇجاتتا.

ەسكە سالساق، 2024 -جىلدىڭ اياعىنا قاراي تەڭگە باعامى قاتتى قۇبىلىپ، كەيبىر ساراپشىلار مۇنىڭ سەبەبىن نارىقتاعى الىپساتارلىق ارەكەتتەرمەن بايلانىستىرعان.

اۆتور

ەسىمجان ناقتىباي

سوڭعى جاڭالىقتار