LRT ەكس- باسشىسى تالعات اردانعا قاتىستى جاڭا ۇكىم شىقتى

استانا. KAZINFORM - ىزدەۋ جاريالانعان LRT ەكس- باسشىسى تالعات اردان تاعى دا سىرتتاي سوتتالدى. بۇل تۋرالى استانا قالاسىنىڭ قىلمىستىق ىستەر جونىندەگى اۋدانارالىق سوتى حابارلادى.

ءىس سوتتالۋشىعا قاتىستى حالىقارالىق ىزدەستىرۋ جاريالانعاندىقتان ونىڭ قاتىسۋىنسىز سىرتتاي قارالدى.

اتالعان سوت تاراتقان حابارلاماعا قاراعاندا LRT ەكس- باسشىسى تالعات اردان قىزمەت مۇددەلەرىنە قايشى لاۋازىمدىق وكىلەتتىكتەرىن تەرىس پايدالانا وتىرىپ، ناقتى قاجەتتىلىكسىز LRT قۇرىلىس جوباسى بويىنشا قىتايدىڭ مەملەكەتتىك دامۋ سىرتقى قارىزدىڭ ءبىرىنشى ترانشى رەتىندە 257,6 ميلليون ا ق ش دوللارىن زاڭسىز سۇراتقان. قاراجات تۇسكەن ساتتەن باستاپ ولار جوبا بويىنشا پايدالانىلماعان دەگەن ايىپ تاعىلعان.

«ا. بۇرىن استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 03.05.2023 -جىلعى ۇكىمىمەن اسا ءىرى مولشەرىندە بيۋدجەت قاراجاتىن تالان-تاراجعا سالعانى ءۇشىن (ق ك 189-بابى 4-بولىگىنىڭ 2) تارماعى) سىرتتاي مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلا وتىرىپ، 7 جىلعا باس بوستاندىعىنان ايىرىلدى. سوتتالۋشىنىڭ كىناسى كۋاگەرلەردىڭ ايعاقتارىمەن، ساراپشىلار مەن مامانداردىڭ قورىتىندىلارىمەن، قىلمىستىق ءىستىڭ ماتەريالدارىمەن راستالدى. سوت ۇكىمىمەن ا. ق ك 361-بابى 4-بولىگىنىڭ 3) تارماعى بويىنشا كىنالى دەپ تانىلىپ، 4 جىل 8 ايعا باس بوستاندىعىنان ايىرىلدى جانە ق ك 58-بابىنىڭ 6-بولىگى قولدانىلىپ، سوتتىڭ 03.05.2023 -جىلعى ۇكىمى بويىنشا تاعايىندالعان جازانى ءىشىنارا قوسۋ ارقىلى تۇپكىلىكتى مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا وتىرىپ، 9 جىلعا باس بوستاندىعىنان ايىرۋ جازاسى تاعايىندالدى»، - دەلىنگەن حابارلامادا.

ۇكىم زاڭدى كۇشىنە ەنگەن جوق.

ەسكە سالساق، بيىل شىلدەدە سىبايلاس جەمقورلىققا قارسى ءىس- قيمىل اگەنتتىگى تالعات ارداندى ب ا ق ارقىلى جاۋاپ الۋعا شاقىرعان ەدى. ءبىراق اتالعان تۇلعا جاۋاپ بەرۋگە ۋاقىتىندا كەلمەگەن ەدى.

باس پروكۋراتۋرا تالعات اردان مەن قانات سۇلتانبەكوۆتى ىزدەۋ جۇمىسىنىڭ توقتامايتىنىن ايتتى.

ەسكە سالا كەتسەك، بيىل تامىزدا Astana LRT بۇرىنعى باسشىسى تالعات اردانعا قاتىستى قىلمىستىق ءىس تەرگەلىپ جاتقانى بەلگىلى بولدى.

اۆتور
ساياگۇل جارىلقاسىن