گۇلميرا ساتىبالدى القابيلەر سوتىنا قاتىسۋدان باس تارتتى
الماتى. KAZINFORM - گۇلميرا ساتىبالدىنىڭ سوتى الماتىدا وتەدى. بۇل جولى وعان زاڭسىز باس بوستاندىعىنان ايىرۋ، اسا ءىرى مولشەردە بوپسالاۋ جانە ءوزىن-ءوزى باسقارۋ بويىنشا ايىپ تاعىلىپ وتىر.
الماتى قالالىق سوتى باسپا ءسوز قىزمەتىنىڭ مالىمەتىنشە، ايىپتالۋشى گ. ساتىبالدى القابيلەر سوتىنا قاتىسپايتىنىن جەتكىزگەن.
ايتا كەتەيىك، گۇلميرا ساتىبالدىعا تاعىلعان «ءىرى مولشەردە مۇلىك الۋ ماقساتىندا بوپسالاۋ» بابى اسا اۋىر قىلمىس سانالادى.
«العاشقى سوت وتىرىسى 30-مامىردا ساعات 10:00-دە الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا اشىق رەجيمدە وتەدى»، - دەپ حابارلادى الماتى سوتىنان.
ەستەرىڭىزگە سالا كەتەيىك، بىلتىر گۇلميرا ساتىبالدى بىرەۋدىڭ مۇلكىن يەمدەنۋ جانە جىمقىرۋ قىلمىستىق ءىسى بويىنشا 7 جىلعا باس بوستاندىعىنان ايىرىلعان بولاتىن. سونداي- اق سوت وعان 10 جىل بويى كوممەرتسيالىق ۇيىمداردا باسشىلىق لاۋازىمداردى اتقارۋعا تىيىم سالدى.
اۆتور
الما مۇقانوۆا
