مەملەكەت باسشىسى وزبەكستان پرەزيدەنتى شاۆكات ميرزيەيەۆتى شىعارىپ سالدى
استانا. KAZINFORM - شاۆكات ميرزيەيەۆ قازاقستانعا جۇمىس ساپارىن اياقتادى. بۇل تۋرالى اقوردانىڭ باسپا ءسوز قىزمەتى حابارلادى.
- مەملەكەت باسشىسى قاسىم-جومارت توقايەۆ ەلىمىزگە اقابا پروتسەسى سامميتىنە قاتىسۋ ءۇشىن جۇمىس ساپارىمەن كەلگەن وزبەكستان پرەزيدەنتى شاۆكات ميرزيەيەۆتى ەلوردا اۋەجايىنان شىعارىپ سالدى، - دەلىنگەن حابارلامادا.
ەسكە سالساق، 6-قاراشا كۇنى استانادا اقابا پروتسەسى سامميتى وتەتىنىن جازعانبىز. جيىنعا ءبىرقاتار مەملەكەتتىڭ باسشىلارى قاتىساتىنى جوسپارلاندى.
بۇعان دەيىن تۇرىكمەنستان پرەزيدەنتى سەردار بەردىمۇحامەدوۆ اقابا پروتسەسى سامميتىنە قاتىسۋ ءۇشىن قازاقستاننىڭ ەلورداسىنا كەلگەنى حابارلاندى.
بۇگىن استانادا اقابا پروتسەسىنىڭ «جاساندى ينتەللەكت سالاسىنداعى قاۋىپسىزدىك» تاقىرىبىنا ارنالعان سامميتى ءوتتى.
