مەملەكەت باسشىسى ومان سۇلتانىن ەلوردا اۋەجايىندا قارسى الدى
استانا. KAZINFORM - پرەزيدەنت قاسىم-جومارت توقايەۆ استانا اۋەجايىندا ەلىمىزگە مەملەكەتتىك ساپارمەن كەلگەن ومان سۇلتانى حايسام بەن تاريق ءال سايدتى كۇتىپ الدى. بۇل تۋرالى اقوردا ءمالىم ەتتى.
- قازاقستان رەسپۋبليكاسى اسكەري اۋە كۇشتەرىنىڭ ۇشاقتارى مەملەكەت شەكاراسىنان ەلورداعا دەيىن ومان سۇلتانى مىنگەن بورتپەن قاپتالداسا ۇشتى. مارتەبەلى مەيماننىڭ كەلۋىنە وراي ۇشۋ الاڭىندا قۇرمەت قاراۋىلى روتاسى مەن پرەزيدەنت وركەسترى ساپ تۇزەدى، - دەلىنگەن حابارلامادا.
ەسكە سالا كەتەيىك، 5-6-قازان كۇندەرى پرەزيدەنت قاسىم-جومارت توقايەۆتىڭ شاقىرۋىمەن قازاقستانعا ومان سۇلتانى حايسام بەن تاريق ءال سايد مەملەكەتتىك ساپارمەن كەلە جاتقانىن جازعان ەدىك.
