مەملەكەت باسشىسى كورەيا رەسپۋبليكاسىنىڭ پرەزيدەنتىن قۇتتىقتادى

پرەزيدەنت كورەي حالقىنىڭ باي تاريحي-مادەني مۇراسىن، ۇلتتىق بىرلىگى مەن ىنتىماعىن ۇلىقتايتىن ايتۋلى كۇننىڭ ماڭىزىنا ايرىقشا توقتالىپ، ەكى ەل اراسىنداعى سان قىرلى ىنتىماقتاستىق جوعارى دەڭگەيدە دامىپ كەلە جاتقانىن اتاپ وتكەن.

- جاقىندا سەۋلگە جاساعان ساپار بارىسىندا ەكىجاقتى قارىم-قاتىناسىمىزدى بولاشاققا باعدارلانعان جان- جاقتى ستراتەگيالىق سەرىكتەستىك دەڭگەيىنە كوتەردىك. بۇل شەشىم دوستىق پەن بەرىك ارىپتەستىككە نەگىزدەلگەن قازاق- كورەي ىقپالداستىعىن حالىقتارىمىزدىڭ يگىلىگى ءۇشىن ورىستەتە بەرەتىنىنە كامىل سەنەمىن، - دەپ جازىلعان جەدەلحاتتا.

قاسىم-جومارت توقايەۆ لي جە مەڭنىڭ جاۋاپتى قىزمەتىنە تولايىم تابىس، ال دوستاس كورەي حالقىنا باياندى وركەندەۋ مەن قۇت-بەرەكە تىلەدى.