مەملەكەت باسشىسى شەيح مۇحاممەد بەن راشيد ءال ماكتۋمعا كوڭىل ايتتى
استانا. KAZINFORM - پرەزيدەنت قاسىم-جومارت توقايەۆ ب ا ءا ۆيتسە-پرەزيدەنتى، پرەمەر-ءمينيسترى، دۋباي ءامىرشىسى شەيح مۇحاممەد بەن راشيد ءال ماكتۋمعا اعاسى شەيح احمەد بەن راشيد ءال ماكتۋمنىڭ قايتىس بولۋىنا بايلانىستى كوڭىل ايتۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى بىرىككەن اراب امىرلىكتەرىنىڭ وركەندەۋىنە، ۇلتتىق قاۋىپسىزدىكتى نىعايتۋعا جانە ەكونوميكالىق ءوسىمدى قامتاماسىز ەتۋگە شەيح احمەد ءال ماكتۋمنىڭ ايتارلىقتاي ۇلەس قوسقانىن اتاپ وتكەن.
قاسىم-جومارت توقايەۆ ءال ماكتۋم اۋلەتىنىڭ مۇشەلەرىنە رياسىز قولداۋ ءبىلدىرىپ، وسى قايعىلى ساتتە بەكەم بولۋعا شاقىردى.
وسىعان دەيىن مەملەكەت باسشىسى كولۋمبيا پرەزيدەنتىنە كوڭىل ايتقان بولاتىن.
